Архив - 17 Окт, 2015

Выльăх та, пахча та - чун киленĕçĕ

Пирĕн ĕçме мар, çиме те вăхăт пулман

Ирех тăрать, тумланать, тÿрех ĕçе пуçăнать...

Кĕркунне иммунитета çирĕплетмелле

Кÿршĕсем аван пурăнаççĕ-и?

Чăваш ачи Раççей Президенчĕ валли юрă çырнă

Сочире - куç виçейми тинĕс, Çĕнĕ Ахпÿртре - вĕçĕ-хĕррисĕр хир...

Лавр кăшăлĕпе çуралнă Лаура

Елчĕк тăрăхĕнчи Элпуçре пурăнакан Светлана Захарова вăхăтпа тан пыма юратать. Ахальтен-и вăл ялĕпе пĕртен-пĕр "урхамаха" çăварлăхлать те çилпе ăмăртса малалла вĕçтерет.

- Мана кăна мар, пурне те тĕнчери лару-тăру пăшăрхантарать халĕ.

Украинăра мĕн пулса иртет тата! Мĕн чухлĕ çын пирĕн пата куçать! Вĕсемшĕн те кулянатăп. Вăрçа пулах мĕн чухлĕ ача сусăрланать, тăлăха юлать...

Эпир хаçатăн кашни номерĕнчех тĕслĕх илмелли çынсемпе паллаштаратпăр. Вĕсем тăрăшнипе кăпăшка çăкăр пиçсе тухать, сĕтел çинчен сĕт-турăх, аш-какай татăлмасть, пахчаçимĕç ăнса пулать. Ирех тăрса ĕçе кÿлĕнекен ял хĕрарăмĕ, паллах, хисепе тивĕçлĕ.

Общество транспортĕнче ялан халăх нумай. Вĕсен хушшинче ÿсĕрекен те, сунаслакан та пур. Нумайăшĕ çăвара хупламалли çинчен те манать. Çÿрет вара салон тăрăх инфекци. Пĕрне, теприне çыпăçать. Çапла сарăлать те чир-чĕр. Кайран тăрук аптăраса ÿкнĕрен тĕлĕнетпĕр. Кам айăплă çакăншăн? Паллах, хамăрах. Чирлĕ çыннăн халăх хушшине тухмалла мар. Унăн тухтăртан пулăшу ыйтмалла, килте е больницăра сипленмелле. Çакна кашниех пĕлет-ăнланать. Анчах ансат çак йĕркене чылайăшĕ пăхăнасшăн мар. Чире ура çинчех ирттерсе ярасшăн. Ку сывлăхшăн сиенлĕ пулнине шута илместпĕр.

Çак эрнере Шалти ĕçсен министерстви ирттернĕ пресс-конференцие «Чунлă кÿршĕ» акци пуçланнине халалларĕç. Йĕрке хуралçисем кÿршĕсем çапăçнине, хирĕçнине, пĕр-пĕрне хĕненине илтсен-курсан, уйрăмах ачасемпе ватăсене асаплантарсан, кун пирки тÿрех полицие пĕлтерме ыйтаççĕ.

Указ Главы Чувашской Республики от 12 октября 2015 года № 156 «О Положении об Администрации Главы Чувашской Республики».

Указ Главы Чувашской Республики от 12 октября 2015 года № 157 «О внесении изменений в Указ Президента Чувашской Республики от 1 сентября 2006 г. № 73».

Шупашкарти 4-мĕш гимназири 5-мĕш класра вĕренекен Арнольд Иванов чапшăн çунмасть. Йĕри-таврари халăх палласа илнĕшĕн те аванмарланать. Шăпах çуралнă кун тĕлне Раççей Президенчĕ Владимир Путин валли юрă çырнипе палăрнă вăл. Унăн çак ĕçĕ Интернет уçлăхĕнче вырăн тупнă.

Александрпа Мария Тесленкосем Çĕнĕ Ахпÿрте вунă çул каялла Краснодар тăрăхĕнчен куçса килнĕ. Чаплă Сочи хулине чăваш ялĕпе улăштарни ку тăрăхрисене паянхи кун та тĕлĕнтерет. Мĕн ачаран ĕçе хăнăхнăскерсем кунта килсе тĕпленсен кĕрĕк арки йăваласа ларас темен, фермер хуçалăхĕ йĕркелесе янă.

«Лаура пирĕншĕн тăван хĕр пекех. Ятне те хамах суйланă. Çамрăк чухне Итали фильмĕсене килĕштереттĕм. Унти пĕр сăнара Лаура тесе чĕнетчĕç», - усрав хĕрĕ пирки каласа кăтартать Етĕрне районĕнчи Кăкшăмри Зоя Константиновна. Килте юратса-ачашласа «Лаурита», «Лавришка» теççĕ ăна.