Архив - 16 Окт, 2015

Çăмăл укçана хăнăхман

Кунçул вучахне сÿнтермен

Утан сукмак якалнă

Шăпа кулач çитермен

Игнатьевсен пахчинче машина-трактор хуçаланать. Кунтах «Gaas» тырă комбайнĕ те пур.

Качча кайнă чух хĕрĕсене вăл ылтăн-кĕмĕл мар, кил хуçалăхĕ ăнтăр тесе пĕрер пăру парнеленĕ. Хăйĕн ĕмĕрĕнче вара унăн виçĕ çурт лартма тивнĕ. Стройка тени халĕ те пĕтме пĕлмест. Пилĕк ачишĕн чун ыратать.

Вăтам пÿллĕ, тăпăл-тăпăлскер аслă çулпа васкаса утать. Пĕр уйран теприне çитме çулĕ çывăх мар. Анчах Маргарита Иванова хăнăхнă ĕнтĕ, ĕмĕр тăршшĕпех агрономра ĕçлекенскер уй-хир тăрăх сахал мар утнă-чупнă. «Куçне çыхсан та çухалса каймĕ», - теççĕ ун пирки Ачаксем.

Канаш районĕнчи Йăнтăрччăра пурăнакан Анна Михайловăна 80 çулта тееймĕн. Сăнĕ-пичĕпе çамрăк курăнать вăл, вăй-хăвачĕпе те хастар. Сакăр теçеткери кинемей пĕчченех пурăнать. Кил-çурчĕ чечек ăшĕнче: пахчара та, пÿртре те илем кÿреççĕ вĕсем.

«Пĕр черкке эрех ярса пар çеç - сана бюрора сÿтсе яватпăр»

Пултарулăхне халăх хаклать

Пурнăç Шурă тата Хура. Çĕмĕрле

Тара параççĕ. Уссине курăпăр-ши?

Вăрмар районĕнчи Кавал ялĕнче çуралса ÿснĕ, парти райкомĕн пĕрремĕш секретарĕнче, парти обкомĕн йĕркелÿ-парти ĕçĕн пайĕн заведующийĕнче тăрăшнă Анатолий Дмитриевич БОРЦОВА республикăра лайăх пĕлеççĕ. Иртнĕ çулла 85 çул тултарчĕ. Унăн ĕçри опычĕ килес ăрусемшĕн те усăллă.

Йывăç лартсан, çурт хăпартсан, ывăл ÿстерсен этем пурнăçри хăйĕн тивĕçне туллин пурнăçланă теме пулать теççĕ халăхра. Çакăнпа çеç çын хăйне телейлĕ тесе шутлĕ-ши? Хырăма тăрантас тесе ĕçлени те, хăв çавăрнă йăвара çемье йĕркелесе ача-пăча ÿстерни те пурнăç ыйтнă май йĕркеленсе пыраççĕ.

Виçĕмкун, Пукрав кунĕнче, Çĕмĕрле мана хĕвеллĕ, хитре çанталăкпа кĕтсе илчĕ. Манăн Шупашкартан 110 çухрăмра вырнаçнă çак хулана килен хăна куçне мĕн лайăххи тата мĕн начарри курăннине сăнламалла. Ара, пурнăç шурăпа хураран тăрать-çке. Илемли, пахи, чапли ыттисене те хавхалану кÿрет, тĕслĕх илме хистет, хури вара... Ăна вара май пур таран пĕтерме, сахаллатма тăрăшмалла. Хулана кĕрсенех: «Салам Шумерля Çемерлĕ», - тесе çырни куç тĕлне пулчĕ. Ку - вандалсен ĕçĕ. Чăвашла тĕрĕс çырма пĕлмеççĕ пулсан та - кукăртса хунă, ав. Щербаков урамĕпе иртсе хуланалла кĕретĕп.

Чăваш Ен Пуçлăхĕн кăçалхи сентябрĕн 30-мĕшĕнчи Указĕпе килĕшÿллĕн республикăн Чĕрчун тĕнчин обCекчĕсемпе вĕсем пурăнакан вырăнсене хÿтĕлекен, тĕрĕслекен, чĕрĕлĕхпе усă курас ĕçе йĕркелекен патшалăх службине пĕтереççĕ. Унăн умĕнчи тĕллевсене ÿлĕм пурнăçлама ЧР Çутçанталăк ресурсĕсемпе экологи министерствине шанаççĕ. ЧР Министрсен Кабинечĕ унăн çĕнĕ штатне, çав шутра чĕрчунсене хÿтĕлекен пайне çывăх вăхăтра çирĕплетет. Служба хăйĕн тивĕçне унччен пурнăçлать. Владимир КУЗЮКОВ ертÿçĕ «Хыпар» журналисчĕн ыйтăвĕсене хуравларĕ.