Архив - 1 Окт, 2015

1 Окт, 2015

Сад-пахча канaва каять

Кăçал сентябрь ытарайми илемлĕхĕпе тыткăнларĕ. Ара, август та сентябрĕн иккĕмĕш çурри пек ăшă пулмарĕ, июль те шăрăхĕпе тĕлĕнтереймерĕ. Çавна пулах кăçал помидор тухăçĕпе савăнакан та йышлах мар-тăр. Сентябрĕн варринчен вара чăн çăтмах пуçланчĕ тейĕн: йĕри-тавра сарă-хĕрлĕ-симĕс тумлă йывăçсем тÿлеккĕн çулçă тăкаççĕ, 20 градусран ытла ăшă çуллахилле тумланма хистет. Анчах та кĕркуннен иккĕмĕш уйăхĕ çитсе тăчĕ ума. Эппин, сивĕ те çывăхрах. Кун та самаях кĕскелчĕ, каçсерен çапакан уçă сĕм те кĕркунне юнашарах сывланине астутарать.

1 Окт, 2015

Çĕр çырли мĕншĕн чечек çурчĕ?

Çĕр çырлине хĕле хатĕрлесе йĕркелерĕм, тислĕк сапса кăпкалатрăм. Халĕ вăл сентябрь ăшшине туйса çĕнĕрен чечеке ларчĕ, йăранĕпех çеçкере темелле. Мĕн тумалла унпа? Кĕркунне чечекленнĕскертен тепĕр çул çимĕç илейĕп-ши?

Петр Степанов.

Шупашкар хули.

Çак ыйтăва Шупашкарти Ботаника сачĕн тĕп агрономĕ Антонина ВАСИЛЬЕВА хуравларĕ.

1 Окт, 2015

Таса шыв ĕçесчĕ

Çăл шывĕ вĕретнĕ хыççăн улшăнать. Вĕретиччен тăрă пекех курăнаканскере сарăрах тĕс çапать, тĕпне те лĕкĕленсе ларать.

Н.Петрова,

Сĕнтĕрвăрри районĕ.

Çын организмĕ 60-70: шывран тăрать. Çавăнпа мĕнле шыв ĕçни пысăк пĕлтерĕшлĕ. Ĕлĕкренпех çынсем çăл суйланă, апат-çимĕç хатĕрлемешкĕн лайăх çăлтан шыв йăтнă.

1 Окт, 2015

«Тантăш» 40 (4454) №. 1.10.2015

1 Окт, 2015

Тавралăха юратма вĕрентекен

Етĕрне районĕнчи Палтай шкулĕнче кĕçĕн классене вĕрентекен Мая Германовна Шуверова хăйĕн ĕçне чунтан парăннă. Тĕрлĕ предмета ăса хывма пулăшнисĕр пуçне вăл ыркăмăллăхпа юрату урокĕсене ертсе пырать - ачасене тавралăха, тăван çĕршыва, çутçанталăка юратма, унăн илемне хаклама хăнăхтарать. Хăй чечексемпе кăсăкланнăран вĕренекенĕсене те çак ĕçе явăçтарать. Кĕркунне çитсен çулсеренех шкул пахчинче ешерекен çеçке вăрлăхне хăйсемех пуçтарса илеççĕ. Тепĕр çул çуркунне акса калча çитĕнтереççĕ.

1 Окт, 2015

Шкулта - пĕрлĕхлĕ хăрушсăрлăх кунĕ

24-мĕш шкулта Пĕрлĕхлĕ хăрушсăрлăх кунĕ иртрĕ. Унта хутшăнма вĕрентекенсем те, вĕренекенсем те, ашшĕ-амăшĕ те лайăх хатĕрленчĕç. Ачасене çул-йĕр правилисемпе инспектор паллаштарчĕ, кăсăклантаракан ыйтусене хуравларĕ. Кĕçĕн классенче вĕренекенсем çемйисемпе ăмăртрĕç.

Страницы