Архив - 1 Окт, 2015 - Çамрăксен хаçачĕ

Пĕрер хăма, кирпĕч сĕтĕрсех аркатнă

Савăнăçпа килеççĕ ачасем шкула

2,5 пин тенкĕ шалу илсен те хĕпĕртенĕ

Интернет усă та, сиен те кÿрет

Унăн аллинче чĕрчунсем “чĕрĕлеççĕ”

Ача-пăча сасси вĕсен пÿртне савăнăçпа тултарать

“Сассăма душра уçатăп”

Кучек курортран нимĕнпе те кая мар

Куракан чĕрине уçма пултаракан мусăкçă

Ирхи сакăр сехет çитеспе Савăнăç ятлă урхамах Платкаран Иккасси ялне пырса кĕчĕ. Автомобиль кустăрмиллĕ урапана вăл çăмăллăнах туртни сисĕнет. Урапа çинче - ачасем. Вĕсем хăйсен «транспорчĕпе» кунсерен çапла вĕренме çÿреççĕ.

Шупашкар районĕнчи Чурачăкри шкулта право, обществознани, истори предмечĕсене вĕрентекен Наталия Соловьева - кăçал ЧР Пуçлăхĕн стипендине тивĕçнисен йышĕнче. Тăван шкула ĕçлеме килни уншăн темрен те паха.

Ĕнер Раççейре Интернет кунне паллă турĕç. Ăна 1998 çултанпа уявлаççĕ. Çавăн чухне тĕнчене ярса илнĕ серепере ларакансен шучĕ 1 миллиона çитнĕ. Кăçалхи май уйăхĕ тĕлне пирĕн çĕршывра пурăнакансен 69% Интернетпа усă курни паллă. Халĕ унта вĕтти те, ватти те вăхăта ирттерет. Пĕри вăйă вылять, тепри экзамена хатĕрленет. Шкулта пĕрле вĕреннĕ юлташĕсене шыракан та чылаййăн. Интернет вĕсене тата мĕнпе пулăшать? Унсăр пурăнма май пур-и? Çак ыйтусемпе çамрăксене чăрмантартăмăр.

Мария САМДЕЛОВА, И.Н.Ульянов ячĕллĕ ЧПУ студентки:

Тĕлĕнмелле çак илемлĕ ĕçсене курсан пĕр хушă куç илмесĕр тинкеретĕн. Йывăçран хатĕр-хĕтĕр ăсталакансем пирки илтмен мар. Анчах хăйнеевĕррисене, ыттисенчен уйрăлса тăраканнисене, сахал курнă. Çак ĕçсен авторĕ - Йĕпреçре пурăнакан Роман Юрин.

Несĕлĕмĕрсен пурнăçне тĕпченĕ май ĕлĕк çемьере 4-5 ачаран кая мар пулнине пĕлетĕр. Йышлă çемье сĕтел хушшине вырнаçсан хуранри апата йăлтах çисе янă. Ĕлĕк çурт ача-пăча сассипе тулнă. Халĕ чылайăшĕ йăха малалла тăсма васкамасть е пĕр-икĕ ачапах çырлахать. Теприсем вара пĕрлешсенех пысăк çемье çинчен ĕмĕтленеççĕ.

Вăхăт шыв пек юхать. Сисмерĕмĕр те, Раççейри Литература çулталăкĕн 9 уйăхĕ те иртрĕ ав. Чăваш Енре вара ку çулталăка вилĕмсĕр поэта Константин Иванова халалланă. «Нарспи» поэмăна тин çуралнă ача çеç вуламан пуль.

Шăмăршă тăрăхне, вăрман варринче вырнаçнă Кучек ялне, хĕллех çитсе курма ĕмĕтленнĕччĕ. Таврапĕлÿ словарĕнче ăна «Шăмăршă районĕнчи Çĕр питĕнчен çухалнă поселок» тесе палăртнă. Тĕппипех пĕтмен-ха поселок. Унта виçĕ çемье пурăнать тенине илтсен Кучеке хĕл варринчех çитме хатĕрччĕ.

Ятарласа та мар, ял-ял витĕр çÿренĕ чухне, ăнсăртран пирĕн куç тĕлне тĕл пулаççĕ вĕсем, ишĕлекен клубсем. Халăха илĕртсе савăнăç парнеленĕскерсен шăпи мĕншĕн çавнашкал хурлăхлă вĕçленнĕ-ха? Ял çыннисен, çамрăкĕсен культура шайĕ пĕчĕкленсе пынипе ишĕлнĕ çуртсен хушшинче çыхăну пур-и?

Денис Яковлев ача чухне юрăç пулма вуçех ĕмĕтленмен. Анчах вăхăт кăмăл-туйăмне хăвăрт улăштарнă. Вăл Канашри лицейре вĕреннĕ çулсенче юрă-кĕвĕ тĕнчипе çывăхрах паллашнă. Музыка шкулне çÿреме пуçласан вара тĕрлĕ инструмента алăран вĕçертмен. Тантăшĕсем Денисра пулас юрăçа курнă.