Архив - Мая 2015 - Çамрăксен хаçачĕ

Пирĕн рейд: республикăра Çи­мĕк умĕн масарсене тир­пейленĕ-и? 2стр.

Пиччĕшне çĕçĕпе 26 хутчен чик­нĕ арçын суд сакки çине ларĕ. 4 стр.

Пĕлтĕр Чăваш Енре усламçă ĕçĕпе тăрмашакан 117 çынна айăпланă. 5 стр.

Марат Никитин режиссер хăйĕн «Хорло» фильмне проката кăларасшăн. 8 стр.

«Ывăл çуратмасан больницăна илме пымассипе хăратрĕ упăшка». 12 стр.

Борис Ивановăн хуçалăхĕнче турткăш, хир чăххи, путене, попугай... хÿтлĕх тупнă. 16 стр.

Оксана Кирпичникова Муркаш районĕнчи Пиккикассинче çуралса ÿснĕ. Çемьери пĕртен-пĕр хĕр шкулта вĕреннĕ вăхăтрах вырăс литературине çав тери кăмăлланă.

Çимĕк çитрĕ. Вилнисене асăнса çăва çине каятпăр. Унччен вара мунча хутса кĕретпĕр, çичĕ тĕрлĕ курăк шывĕпе чÿхенетпĕр, милĕкпе çапăнатпăр... Çимĕк йăли-йĕрки кашни çĕрте тĕрлĕрен: пĕр çĕрте шăматкун масар çине каяççĕ, тепĕр çĕрте - вырсарникун...

Çемье ăшши... Этемлĕхĕн пурнăçĕнче унран хакли пур-ши? Савнă мăшăр, юратнă ачасем... Кашни арçыннах йăха тăсакан çуралнăшăн хĕпĕртесе çунат хушать ахăртнех. Чĕри айĕнче тĕвĕленнĕ тĕпренчĕкне кун çути парнелекен хĕрарăмăн телейне мĕнпе танлаштарма пулать-ши тата?

"Кризис килет те каять, пурнăç малаллах тăсăлать", - теççĕ пулин те хăйсен ĕçне пуçарса усламçă пулса тăнисем çакнашкал йывăр тапхăрсенче нушине самай кураççĕ. Тĕрĕссипе, предприниматель ĕçне кÿлĕнме пурне те пÿрмен, пуçăнсан та аталанма çăмăл мар.

Хальхинче «Чуна уçса калаçар» рубрика тĕпелне Чăваш эстрада артисчĕсен союзĕн членне, Раççейри çамрăксен пĕрлĕхĕн Шупашкарти уйрăмĕн координаци канашĕн ертÿçине, «Фиеста» студи ертÿçин заместительне, концертсене лайăх ертсе пырса «Çулталăк юрри - 201

Шупашкарта Пĕтĕм тĕнчери кинофестиваль вĕçленчĕ. Япăх мар иртрĕ вăл. Фильмсене халăх хапăлласах курчĕ. Пахалăхĕпе начар мар, сюжечĕсем - интереслĕ.

Ку таранччен хаçата нихăçан та çырманччĕ. Халĕ тарăхса çитрĕм. Хам пирки никама та каласа кăтартманччĕ. Хамах ухмах. Çынна ĕненме хăнăхнă та эпĕ... Çавă ура хучĕ. Çакăн хыççăн та хĕрсене юратма пăрахмăп-ши? Шуйттан пек усал вĕсем, тилĕ пек чее.

Борис Ивановпа ирттернĕ пĕр кун

Ылтăн тĕслĕ фазан, Инди павлинĕ, попугай, путене, канарейка, хур-кайăк, кăрккăвакал... Харăсах кун чухлĕ кайăк-кĕшĕкпе ăçта паллашма пулать? Паллах, пĕр-пĕр куравра. Тăвай районĕнчи Вăрманхĕрри ялне çитсе киличчен эпĕ те çавнашкал шухăшланăччĕ. Çук иккен, килти хуçалăхра, пирĕн климат условийĕсенче те экзотика чĕрчунĕсене ĕрчетеççĕ. Ĕненместĕр-и? Апла тăк Ивановсем патне экскурсие чĕнетĕп.