Архив - Мая 2015 - Çамрăксен хаçачĕ

Больницăсенче специалистсем çит­меççĕ. Ăна пула халăх та, тухтăрсем хăйсем те шар кураççĕ. Çивĕч ыйтăва татмашкăн 2012 çулта пирĕн çĕршывра «Земство тухтăрĕ» программа вăя кĕчĕ. Çапах асăннă программа та кадрсем çитменнине пĕтереймен. Район больницисене специалистсемпе 60,3% çеç тивĕçтернĕ.

"Хурăнташ" ушкăн солисчĕ Денис Антипов çулталăк ĕнтĕ сцена çинче курăнмасть. "Çамрăксен хаçачĕн" çывăх тусĕсем çакăн сăлтавне пĕлеççĕ. Денис Президент полкĕнче хĕсметре тăни пирки эпир çырнăччĕ. Халĕ вара чăваш арĕ /каччă темĕпĕр, вăл авланнă/ Çĕнтерÿ кунĕнче Мускавра иртнĕ тĕп парада хутшăннине пĕлтĕмĕр.

Çамрăксене мĕн ĕмĕртенпех халăхăн ура çинче çирĕп тăрайман пайĕ вырăнне хунă: професси, пурнăç опычĕ те пуянах мар, шалăвĕ те пĕчĕк. Çемье çавăрнă пулсан, ача çуралсан - пушшех те, пулăшмаллах вĕсене. Пурăнмалли çурт-йĕр ыйтăвĕ - çамрăк çемьесен умĕнче тăракан чи пысăк ыйтусенчен пĕри.

Зинаида Соловьева йывăр та асаплă кун-çулне куççульсĕр аса илеймест. Темĕн те курма тивнĕ унăн. Йăлтах - ирсĕр нимĕçсене пула. Çемйипех нимĕçсен концлагерĕнче пурăннă вĕсем. Виçĕ çула яхăн хăйсене чĕр тамăкри пек туйнă. Хĕвел те курман, уçă сывлăшпа та ирĕклĕн сывлайман...

Çĕнĕ Шупашкар хулинче пурăнакан Иван Торин ветеранăн кăçал çĕршывăмăрăн тĕп хулинчи Çĕнтерÿ парадĕнче пулма май килнĕ. 90 çула пуснăскер Мускавран мĕнле шухăш-кăмăлпа таврăннине пĕлес тĕллевпе Иван Тимофеевичпа тĕл пултăм.

Вăл 97 çул тултарнă тесе кам калатăр? Сăнран пăхсан та - 70-тен каçнă арçын кăна. Ку çеç те мар. Шупашкарта хĕрĕ патĕнче пурăнаканскер тăван ялне те, Етĕрне районĕнчи Ваçкассине, кайсах çÿрет, ачаран ĕçпе пиçĕхсе ÿснĕрен алă усса лараймасть - килти хуçалăхра кăштăртатать.

Тин кăна эпир хĕр-упраçчĕ, канмалли кунсем çитессе чăтăмсăр кĕтеттĕмĕр. Хуларан яла вĕçтерсе çитеттĕмĕр. Клубра ташă каçĕсем вăйлă иртетчĕç, кÿршĕ ялсенчен те килетчĕç. Лăк тулли халăхчĕ, юрă-кĕвĕ кĕрлетчĕ. Савнипе тĕл пулаттăмăр, çеçке çурнă садра ирччен лараттăмăр...

Пĕррехинче хваттерте пĕрле пурăннă хĕр-тусăма та хамăр яла илсе килтĕм. Ăна каччăпа паллаштарма унчченех ĕмĕтленнĕччĕ.

Май уйăхĕн 19-мĕшĕ... Çак кун çулленех хĕвел ăшшăн пăхаканччĕ. Кăçал вара вăл ăмăр çанталăкпа пуçланчĕ, çапах Купăрляра Николай Никольский ăсчаха халалланă митинг уçăлсан, Муркаш енсем хăйсен илемлĕ юррисене шăрантарма пикенсен йывăррăн шăвакан пĕлĕтсем хыçĕнчен хĕвел курăнчĕ. Çапла вара пухăннă халăх, Шупашкартан пынă хăнасем Чăвашран тухнă пĕрремĕш профессор тунă ĕçсен умĕнче пуç тайса, ăна сума суса ирттерекен савăнăçлă мероприятие хутшăнчĕç.

Эпĕ, Аня Хадарова, Коми тăрăхĕнче çуралса ÿснĕ. Енчен те Чăваш çĕрне çĕр пин сăмах, çĕр пин тĕрĕ, çĕр пин юрă çĕршывĕ тетпĕр пулсан, Коми Республикине çĕр пин кÿлĕ çĕршывĕ теççĕ. Ухта районĕнчи Ярега поселокĕнчен аттепе анне çуралса пĕве кĕнĕ тăрăха таврăнтăм, Шупашкарта ăс пухатăп.