Архив - Фев 2015 - Çамрăксен хаçачĕ

Йĕпреç районĕнче пулнă хăрушă аварире ултă çыннăн пурнăçĕ татăлнă. 4 стр.

30 çулти Людмила Гаранинăн хваттерĕнче çирĕм кушак пурăнать. 5 стр.

«Апи кашни ачине шкула шурă татăкпа чĕркенĕ пĕрер чĕлĕ çăкăр парса яратчĕ». 6 стр.

Алексей Еразумов вĕреннĕ вăхăтрах академи отпускĕ илсе çара кайнă. Мĕншĕн? 8 стр.

Студентсене кризис хăратать-и? Ун нушине туйнă-и вĕсем? 9 стр.

«Траншейăна кĕрсе выртаттăм, «халь вилетĕп-ши?» тесе шухăшлаттăм». 11 стр.

Амăшĕ урам варринчех ывăлĕ çине урнă йытă евĕр сиксе ÿкрĕ. 13 стр.

ЮНЕСКО чăваш чĕлхине пĕтсе пыраканнисен йышне кĕртни чăваш чунĕллĕ чылай çынна пăшăрхантарать. Чăннипе, чăваш çук мар, вăл тĕнчипех сарăлнă. Вырăсланса пыни, аслисем ачисене тăван чĕлхене вĕрентменни ура хурать мар-и?

Кĕçех Аслă Çĕнтерÿ 70 çул çитнине паллă тăвăпăр. Çулталăкри чи пĕлтерĕшлĕ уявсенчен пĕри вăл. Тăван çĕршыв ирĕклĕхĕшĕн кĕрешсе пуç хунă паттăрсене халалласа лартнă палăксене тирпейлесси - пирĕн сăваплă тивĕç. Анчах юлашки çулсенче çынсем субботника йăпăр-япăр тухасшăн маррине час-часах асăрхатăп, кил таврашне тасатаççĕ те ытти - ик айкки те тăвайкки. Юрать, ялта 2-3 хастар çын тупăнать. Ытларах чухне вара палăксене культура çурчĕн тата ял тăрăх администрацийĕн ĕçченĕсем пăхса тăраççĕ. Вĕсемех карта сăрлаççĕ, чечек лартаççĕ...

Интернетра паллашса çемье çавăрнă мăшăр пайтах халĕ. Женьăпа Ларисăн туйпа вĕçленнĕ юратăвĕ те социаллă сетьрен пуçланнă. Тĕрĕссипе, хĕрпе чи малтанах Женьăн юлташĕ çыхăну йĕркеленĕ. Анчах пикене тĕлпулăва чĕнмешкĕн ниепле те хăюлăх çитереймен. Тусĕ ирĕк панипе хĕр патне Женя çырма тытăннă. Унтанпа пилĕк çул иртнĕ.

Людмила Гаранина Шупашкарта çĕнĕ çуртра туяннă пĕр пÿлĕмлĕ хваттере пурăнма куçман-ха - юсав ĕçĕсем çеç ирттерет. Хальлĕхе стенасене те обой çыпăçтарман, урай та сарман. Кунта кушаксем пурăнаççĕ. Алăка уçса кĕрсенех куç-пуç чарăлса кайрĕ - кун чухлĕ кушак пĕр пÿлĕмре чупнине хальччен курманччĕ.

Кама кăна тĕл пулмастпăр-ши шăпа пÿрнĕ çул çинче? Пурăнан пурнăçра журналист профессине вăхăтлăха улăштарса Чăваш Республикин Пуçлăхĕн пиччĕшĕн, Шупашкар районĕнчи Кĕçĕн Турхан ялĕнче кун çути курнă Александр ИГНАТЬЕВĂН, юбилейĕнче кĕрекеçĕ пуласса эпĕ тĕлĕкре те тĕлленмен.

«Салтак ятне илтесси пасар кулачĕ çиесси мар», - тенĕ ваттисем. Ара, тăван-пĕтенрен, тус-тантăшран вăхăтлăха уйрăлса Тăван çĕршыв умĕнчи тивĕçе аякри çĕрсенче пурнăçласси нихăçан та çăмăл пулман. Мăн асатте-кукаçисем хĕсметре 25 çул тăнă. Хальхи вăхăтра çак служба çулталăкпа танлашать. Апла пулин те салтак пăттине çиесрен тарса çÿрекен сахал мар. Салтак тивĕçне пурнăçлассинчен пăрăнакан яш чăн-чăн арçын мар. И.Н.Ульянов ячĕллĕ ЧПУн вырăс, чăваш филологийĕпе журналистика факультетĕнче вĕренекен Алексей Еразумов çак сăмахсемпе туллин килĕшет.

Юлашки вăхăтра Чăвашра спорт аталанни куçкĕрет. Çамрăк спортсменсем чăваш çĕрĕн мухтавлă ывăлĕ-хĕрĕ маттур, ăста пулнине пĕтĕм тĕнчене пĕлтерчĕç. Самбистсем, биатлонист, çăмăл атлетсемпе хăвăрт утакансем... Раççей, Европа, тĕнче шайĕнчи ăмăртусенчен çĕнтерÿпе таврăнаççĕ. Раççейĕн спорт гимнастики енĕпе пĕрлештернĕ командинче икĕ чăваш пики пур. Вĕсенчен пĕри - И.Н.Ульянов ячĕллĕ ЧПУн экономика факультетĕнче вĕренекен Полина Федорова. Пĕлтĕр пике спорт гимнастики енĕпе Раççей чемпионĕн ятне тивĕçнĕ.

Вăркакан ăшăма пусарма пĕртен-пĕр тус, "Çамрăксен хаçачĕ", пурришĕн савăнатăп. Çулăмсăр çунакан чунăма никам умĕнче те уçма çук. Икĕ хĕрĕм ытла айван, пĕри - 10, тепри 8 çулта кăна. Çемье пурнăçне ăнкарма ĕлкĕрейменскерсене ачаллах амантас килместчĕ те... Анчах ашшĕ килтен тухса кайнăранпа иккĕшĕ те хампа пĕрле хурланса йĕреççĕ. "Пăхман хĕвеле пăхтараймăн" - тесе пĕлмесĕр каламаççĕ. Мăшăрăма тытса чарас тесе тем тăвăттăм, чуна парăттăм - çук... Кашни хусканăвĕ, калаçни, хĕрĕмсемпе выляни, урока хатĕрленме пулăшни...

Уроженец Новочебоксарска режиссер Павел Корчагин победил на кинофестивале в США. 3 стр.

За жестокое убийство знакомого осужден на 14 лет.  4 стр.

Семен Фомин перенес из родной деревни дом в Чебоксары. Он стоит до сих пор. 5 стр.

Владимир Михайлов поднял ногу... там только лохмотья брюк. 9 стр.