Архив - Фев 2015 - Тантăш

Дата
  • Все
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
Тип

февраль 12th

12 Фев, 2015

«Тантăш» 5-6 (4419-4420) №№, февраль (нарăс), 12

Вăхăт сисĕнмесĕрех шăвать. Йÿнĕ хакпа çырăнмалли тапхăр та вăшт! кăна иртсе кайĕ. Апла пулсан «Тантăш» хаçата, «Тетте», «Самант» журналсене паян-ыранах çырăнса илĕр! Пирĕн кăларăмсемпе туслашнисене ятарлă сертификатпа чыслăпăр. Васкăр!

Çĕршыв хÿтĕлевçин кунне халалланă «Салтак пăтти тутлă-и» конкурса вулакансен ĕçĕсем киле те пуçларĕç ĕнтĕ. Вĕсемпе хаçат страницисенче паллашма пултаратăр.

«Туслăх кăвайчĕ» кăларăм республика тулашĕнче пурăнакан чăвашсен çырăвĕсемпе пуянланса пырать.

Чăваш наци библиотеки «Нарспие» вулатпăр» мĕнпур халăх хушшинчи проекта пуçарасси пирки хыпарлать. Ăна Чăваш Енри Константин Иванов çулталăкне халалланă. Тĕплĕнрех - 7-мĕш страницăра.

«Паттăрлăх» рубрика çамрăк паттăрсемпе паллаштарма пăрахмасть. Ку номерте Гриша Подобедов çинчен вуласа пĕлме пултаратăр.

Çветтуй Валентин кунĕнче юратнă çынна парнепе савăнтарма епле аван! Анчах та ăна туянма вăхăт юлмарĕ-и? Кулянма кирлĕ мар. «Нинук тĕпелĕ» страницăри канашсемпе усă курсан савнă çын кăмăллă юлатех!

«Чи илемлĕ «валентинка» конкурс вĕçленчĕ. Унта пурте хастар хутшăнчĕç. Çĕнтерÿçĕсен ячĕсене хаçатра вуласа пĕлĕр!

Чунăрпа яланах çамрăк пулăр. «Тантăша» юратса вулăр!

12 Фев, 2015

Вĕсем - ĕмĕр асăмра!

Кăçал Аслă Çĕнтерÿ пулнăранпа 70 çул çитнине халалласа шкулсенче тĕрлĕ уявсем ирттерме пуçланă. Йĕпреç районĕнчи Пучинкере вара нумай пулмасть «Янра, салтак юрри» фестиваль иртрĕ. Унта кашни класс ятарлă тум тăхăнса хутшăнчĕ, куракана хăйсен пултарулăхĕпе паллаштарчĕ.

12 Фев, 2015

Пирĕн хулара хĕл каçаççĕ вĕсем

Эпир кашни кун урамра пулатпăр. Тĕкĕрç катине канма, йĕлтĕрпе ярăнма каятпăр, Атăл хĕрринче уçăлса çÿретпĕр. Сивĕ хĕле тÿссе ирттерекен вĕçен кайăксем пирки вара тепĕр чухне темшĕн шухăшлама та манатпăр. Те вăхăчĕ çитмест, те сăлтавĕ пачах урăххинче?

12 Фев, 2015

Хÿтĕлевçĕсем эпир, хÿтĕлевçĕсем!

Пирĕн шкулти пуçламăш классем хушшинче «Профессисен парачĕ» конкурс иртрĕ. Кĕçĕннисем нумай-нумай професси пирки каласа пачĕç, сцена çинчен пултарулăхĕпе паллаштарчĕç.

12 Фев, 2015

Паллашăр - стипендиат

Вăл спорт туризмĕпе аппаланать, географипе кăсăк-ланать, шкул пурнăçĕнче хастарлăхпа палăрать тата питĕ ăслă, тарăн шухăшлама пĕлет. Физкультура олимпиадин район тапхăрĕнче çĕнтерÿçĕ те пулса тăнă. Ахальтен мар Канашри 3-мĕш шкулта вĕренекен Максим Константинов - ЧР Пуçлăхĕн стипендиачĕ.

12 Фев, 2015

Ĕмĕтлĕ тилĕ «çунатлă»

«Ĕмĕтлĕ çын çунатлă», - тенĕ ваттисем. Ахăртнех, чăваш халăх юмахĕнче малкай пĕр тилĕ те илтнĕ-тĕр çак каларăша. Ĕмĕчĕ, чăнах та, пулнă хайхискерĕн: питĕ вĕçме вĕренес килнĕ унăн. Çав ĕмĕтех çунатлантарнă та ăна. Тилĕсем вĕçме çуралманнине чухламан-çке-ха апăрша. Вĕçев урокĕ илме тăрна патне васканă.

12 Фев, 2015

Февралĕн 14-мĕшĕ - Çветтуй Валентин кунĕ. Мĕншĕн?

Тĕнчери чи пĕрремĕш валентинкăна Орлеан герцогĕ Чарльз (1415 ç.) çырнă тесе калаççĕ. Тĕрмере лараканскер тунсăха сирес тесе тăтăшах савнă мăшăрĕ патне юрату çырăвĕсем вĕçтернĕ. Анчах та «валентинка» парнелес йăла 18-мĕш ĕмĕрте çеç анлă сарăла пуçланă. Халĕ Çветтуй Валентин кунĕнче ăшă ту-йăмсем çинчен пĕлтерекен, уяв ячĕпе саламласа çырса парнеленĕ чĕре евĕр открытка «валентинка» шутланать. Унсăр пуçне çак паллă кунра юратакансем пĕр-пĕрне кĕлчечек (вăл юратăва пĕлтерет иккен), чĕре евĕр канфет е урăх япала парнелеççĕ.

12 Фев, 2015

Кашни хăйне евĕрлĕ уявлать

Пĕтĕм тĕнчери Юратакансен кунне кашни çĕршывра тĕрлĕрен паллă тăваççĕ. Американсем, сăмахран, савнийĕсене çеç мар, юлта- шĕсене те, çывăх çыннисене те юратни çинчен пĕлтерсе открыткăсем парнелеççĕ.

Канадăра хĕрсем, хĕрарăмсем çак кун юратнă çыннине качча илме ыйтма пултараççĕ. Хирĕçлекен каччăсен штраф тÿлеме тивет, хăш чухне вĕсене темиçе кунлăха тĕрмене те лартаççĕ.