Архив - Окт 2015

Пĕр-пĕрне ăнланса, яваплăха туйса ĕçлекен специалистсен ушкăнĕ пулмасан ялхуçалăх предприятийĕн шăпи "тĕтреллĕ". "Çакна ĕнентерекен тĕслĕхсем хамăр таврара та сахал мар", - тет Вăрнар районĕнчи "Янгорчино" ЯХПК ертÿçи Геннадий Васильевич Романов. Çамрăк инженера халăх хуçалăх лавне вăхăтра туртса пыма шанман пулсан, тен, "Янгорчино" пирки те паян çавнах калама тÿр килетчĕ. Кашнинченех чăн хуçа пиçеймест. Геннадий Васильевич хуçалăха çĕршыв экономики йывăрлăха кĕрсе ÿкнĕ тапхăрта ?1993 çулта% ертсе пыма тытăннă. Çăмăл килмен, малтанах шикленни те пулнă-тăр.

"Çĕр çинче ĕçлесе пуяйăн-и вара?" - ман ыйтăва ыйтупа хуравларĕ Муркаш районĕнчи Катькасри Михаил Мольков фермер. Хăйĕн ĕç-пуçĕ çинчен хавхаланса каласа кăтартасса кĕтнĕччĕ çамрăкран. "Пуйтармасан та çĕр выçă лартмасть пулĕ. Ют çыншăн мар, хăвăншăн ĕçлетĕн вĕт", - çавах чĕрре кĕме хăтлантăм эпĕ. "Выçă лармастпăр ĕнтĕ. Тыткаламалăх алла укçа кĕрет, пурнăçа сыпăнтармалăх çитет", - тинех калаçăвăн тикĕс çулĕ çине тухрăмăр иксĕмĕр.

Геннадий Алексеевич Уткин «Хресчен сасси» хаçатра ĕçлеме пăрахнăранпа çирĕм çул ытла иртрĕ. Сахал вăхăт мар ку. Апла пулин те вулакансем унăн чылай материалне лайăх астăваççĕ. Хаçатăн кашни номерĕнче тенĕ пекех ку е вăл темăпа тишкерÿллĕ статьясем пичетлетчĕ.

Тăван хуçалăхра тимĕрçĕре ĕçленĕ тапхăра паянхи пекех асра тытать Элĕк районĕнчи Вутлан ялĕнче пурăнакан Николай Гаврилов. Ир пуçласа каçчен машинăпа трактор паркĕнче вăл. Тракторисчĕ те, водителĕ те кашни кун ун патне пыратчĕ: пĕрне пĕр детале кирлĕ шая çитерсе, теприне авнă тимĕре тÿрлетсе памалла... Вăйпитти арçын пурин ыйтăвне те вăхăтра тивĕçтерме тăрăшатчĕ: ара, ĕç тăрать-çке, çавăнпа вăраха тăсма юрамасть. Кашниех ĕçшĕн ăна тав сăмахĕсем каласа тухса каятчĕ. Ăсталăхĕ пурахчĕ Николайăн. Ятарлă пÿлĕмре тимĕре кăмакара хĕртетчĕ те хыççăн алла мăлатук тытатчĕ.

Алена Антонова - Муркаш районĕнчи Шурчари çыхăну уйрăмĕн пуçлăхĕ. 11 çул ĕçлет вăл кунта. Хăйĕн тивĕçне яваплă пурнăçлать. «Çынпа ĕçлеме юрататăп. Кăнтăрла хыççăн ялйыша хаçат-журнал валеçме те çÿретĕп. Велосипед рулĕн пĕр енне - тавар, теприн çине хаçат-журнал сумкине çакатăп та ял тăрăх вĕçтеретĕп.

Çар хĕсмечĕ - пурнăç шкулĕ

Коррупци - хушаматсăр, адрессăр-и?

Ашшĕпе амăшĕн тĕслĕхне ачисем те ăша хывччăр

Мухтанмастăп, кĕвĕçместĕп, хапсăнмастăп...

Хусан - “Хыпар” сăпки

Эпĕ унта вĕреннĕ...

Çак ăнлавăн чăнлăхĕ халĕ те пĕтмен

Кĕрхи призыв пуçланчĕ: Тăван çĕршыва чунтан парăннисен, кăмăлпа çирĕпписен çĕр çинче, тинĕсре, тÿпере хăюлăхпа паттăрлăх кăтартма, халăх умĕнчи тивĕçе чыслăн пурнăçлама хатĕррисен тепĕр ăрăвĕ октябрь уйăхĕн пĕрремĕшĕнчен çар ретне тăрать. Алла хăватлă хĕç-пăшал тытса çĕршыва сыхлакансен çар тумĕ тăхăнмалли тапхăр, декабрĕн 30-мĕшĕнче вĕçленет.

Республикăра коррупцие тĕпĕ-йĕрĕпех кăкланă тейĕн... Коррупци ыйтăвĕпе ирттерекен сумлă канашлура шăв-шав çĕкленĕ пĕр преступлени пирки те каламаннине, киревсĕр çул çине тăнă пĕр чиновник хушаматне те асăнманнине урăхла тата мĕнле хаклăн? Çавăнпах-тăр кунашкал пухусенче сенсаци йышши хыпарсем илтме хатĕрленсе килнĕ журналистсенчен чылайăшĕ ЧР Пуçлăхĕ çумĕнчи коррупципе кĕрешес енĕпе ĕçлекен координаци канашĕн юнкунхи ларăвĕ вĕçленессе те кĕтмерĕ - тухса утрĕç.

Çемье династийĕ республикăри кашни ялтах пур. Ывăлĕ - ашшĕн, хĕрĕ амăшĕн пурнăç сукмакне такăрлатма кăмăл туни ăнсăртран мар. Кĕçĕннисем çывăх çыннисен ĕçĕпе, професси вăрттăнлăхĕсемпе мĕн пĕчĕкрен паллашса ÿсеççĕ кăна мар, ăсталăха çулсерен туптаса çитĕннисемпе тан вăй хума хăнăхаççĕ.

Стас Владимиров 25 çул тăван халăха пултарулăхĕпе савăнтарать: юрлать, ташлать, сăнарсем калăплать