Çакăн пек ятпа паян ЧР Художниксен союзĕн çуртĕнче регионсен хушшинчи курав уçăлчĕ.
«Халăх формачĕ. Халăх искусстви — наци пуянлăхĕ» проект — халăх искусстви енĕпе ĕçлекен художниксен куçса çÿрекен куравĕ. Халăх ÿнер промыслине сыхласа хăварса малалла аталантарас тĕлĕшпе йĕркеленĕскер Вăтам Атăл тăрăхĕнчи çак хуласенче — Чулхулара, Хусанта, Саранскра, Йошкар-Олара, Шупашкарта — иртĕ.
Ĕнер Шупашкарти Хĕрлĕ лапамра Регионсен хушшинчи «Регионсем - чикĕсĕр килĕштерсе ĕçлесси» XXVI курава уçнă. Паян унта Чăваш Республикин Пуçлăхĕ Михаил Игнатьев çитсе курчĕ.
Кунта строительствăн, архитектурăн, электротехникăн, приборсем тăвакансен, хими, çăмăл тата апат-çимĕç промышленноçĕсен, ял хуçалăхĕн, туризмпа спортăн, банкпа инвестицин, страхлакансен, сывлăх сыхлавĕн, наукăн, вĕрентĕвĕн, транспортăн 100 ытла организацийĕ хăйĕн ĕç-хĕлĕпе, продукцийĕпе, пулăшу ĕçĕпе паллаштараççĕ.
Кÿршĕ регионсенчен килнĕ хăнасем паян тĕп хулара уçăлнă XXVI "Регионсем - чикĕсĕр ĕçтешлĕх" курава çитсе курчĕç.
Василий Константинович çуралнăранпа 180 çул çитнĕ май Чăваш наци музейĕнче паян «В.К. Магницкий — Чăваш хутлăхĕн тĕпчевçи» ятпа куçса çÿрекен курав уçăлчĕ. Унпа паллашма пынисен хушшинче ăсчахсем, историксем, студентсем, çавăн пекех тĕпчевçĕн ентешĕсем те пулчĕç.
ЧР Культура министерстви Наци библиотекинче «Хамăр алăпа ăсталанă илем» литература куравĕ уçăлни çинчен пĕлтерет. Унта пурăнмалли вырăна, кил таврашне хăтлăх кĕртме пулăшакан кĕнекесемпе паллашма пулать.
Чăвашла верси
Русская версия
