Ĕнер халăхсен туслăхĕн çуртĕнче кăçалхипе пĕрремĕш хут курав уçăлнă. Шупашкарти вырăс культурин центрĕн пуçарăвĕпе йĕркеленĕскере Чăваш, Мари республикисенчи тĕрлĕ хулара пурăнакан ăстасем хутшăнаççĕ. Курав нарăс уйăхĕн 15-мĕшĕччен иртет.
Паян Мускаври «Экспоцентр» курав комплексĕнче Раççейри халăх промыслисен «Ладья. Хĕллехи юмах — 2017» курав-ярмăркки вĕçленнĕ.
Мускаври «Экспоцентр» курав комплексĕнче раштавăн 13-17-мĕшĕсенче Раççейри халăх промыслисен «Ладья. Хĕллехи юмах — 2017» курав-ярмăркки иртет. Унта çĕршыври 45 регион, çак шутра Чăваш Ен те, хутшăнать.
Курава пырса куракансем Чăваш Республикинчи «Паха тĕрĕ» фирмăн, Чăваш Енри ал ăстисен гильдийĕн, «Экскурсисен тĕнчи» компанин ĕçĕсемпе паллашма пултараççĕ.
Чăваш тĕррин музейĕнче паян уçăлнă «Наци тумĕ хальхи тĕнчере» наци тумĕсемпе пуканесен конкурс-куравĕ мĕнпе тыткăнларĕ-ха?
Кунта — республика территорийĕнче пурăнакан халăхсен ламран лама куçса пыракан иксĕлми пуянлăхĕ. Чăваш Ен алă ăстисен çеç мар, Мари Эл маçтăрсен ĕçĕсем те пур. Вĕсем те пирĕншĕн питĕ кăсăклă.
Йĕпреç районĕнчи "Путиловка" агрофирмăри качакасем Пĕтĕм Раççейри куравра виççĕмĕш вырăн йышăннă. Мăйракаллă çак выльăха Тутарстанра иртнĕ Пĕтĕм Раççейри уй-хир кунне илсе кайнă.
Чăвашла верси
Русская версия
