ЧР Культура министерстви Наци библиотекинче «Чăваш çĕрĕн эрешĕсем» курав уçăлни çинчен пĕлтерет. Ăна Иван Яковлев Аслă вĕрентекен çуралнăранпа — 170 çул, «Паха тĕрĕ» фирма йĕркеленнĕренпе 95 çул çитнине халалланă. Унта «Паха тĕрĕн», ЧР культурăн тава тивĕçлĕ ĕçченĕн Евгения Жачевăн, «Асамлă тĕрĕ тĕнчи — 2018» ачасен конкурсĕн лауреачĕсен ĕçĕсемпе паллашма пулать.
Çĕнĕ Шупашкарти историпе ÿнер музей комплексĕ республикăри тата çĕршыври музейсемпе тачă çыхăнса ĕçленине палăртать. Пуш уйăхĕн 20-мĕшĕнче Мускавра Раççей халăх художникĕн Геннадий Мызниковăн картинисен куравне уçăлĕ.
Чăваш тĕррин музейĕ пĕлтернĕ тăрăх, уяв кунĕсенче, пуш уйăхĕн 7-11-мĕшĕсенче, экспонатсемпе тÿлевсĕрех паллашма пулать.
Чăваш Енре çĕр улмине халалласа пĕр çул сиктермесĕр кăçалхипе вуннăмĕш хут регионсен хушшинчи отрасль куравне ирттерни республика «иккĕмĕш çăкăр» туса илессипе çĕршывра малти вырăнсенчен пĕрне йышăннине, пирĕнтен вĕренмелли пуррине çирĕплетет.
Чăвашла верси
Русская версия
