Спорт

7 Нарăс, 2022

Хутăш эстафетăра — медаль

Раççейĕн пĕрлештернĕ команди Олимп вăййисен историйĕнче пĕрремĕш хут биатлонăн хутăш эстафетинче медаль çĕнсе илчĕ. Вăл — «бронза».

Команда йышĕнче: Ульяна Нигматуллина, Кристина Резцова, Александр Логинов тата Эдуард Латыпов. Вĕсем Олимп пьедесталĕ çине пуçласа хăпарчĕç. Палăртмалла: пирĕн ентеш Сергей Башкиров Раççейĕн пĕрлештернĕ командин арçын спортсменĕсене хатĕрлет. Олимп вăййисенче бронза медаль çĕнсе илни уншăн та пысăк çитĕнӳ.

Спорт
31 Кăрлач, 2022

Красноярскран – бронзăпа

Иван Ярыгин ячĕпе хисепленекен Пĕтĕм тĕнчери ирĕклĕ кĕрешӳ турнирне 11 çĕршывран 340 ытла спортсмен хутшăннă.

Пирĕн республика чысне хĕрарăмсен ирĕклĕ кĕрешĕвĕн чăваш шкулĕнче хатĕрленекен Вероника Чумикова хӳтĕленĕ. Вăл 57 килограмран сахалрах таякансен хушшинче броза медаль çĕнсе илнĕ. Унпа пĕрлех 3-мĕш вырăна Монголири Болортуя Хурелху çĕкленнĕ. Палăртмалла: Вероника Чумикова ăсталăхне Раççейĕн тава тивĕçлĕ спорт мастерĕ тата Чăваш Республикин тава тивĕçлĕ тренерĕ Ольга Смирнова патĕнче туптать.

Спорт
17 Кăрлач, 2022

Кировран – вунă медальпе

Чăваш самбо шкулĕн вĕренекенĕсем Киров облаçне çĕршыври 16 регионран пуçтарăннă 200-е яхăн спортсмен хушшинче палăрнă.

Пĕтĕм Раççейри А.А.Собакинских ячĕпе йĕркеленĕ турнирта 12-14 çулсенчи спортсменсем икĕ кун тупăшнă. Тĕрлĕ виçере Артем Федяров «ылтăна» тивĕçнĕ, Максим Максимовăн, Антон Михайловăн, Алексей Андреевăн — «кĕмĕл». Виççĕмĕш вырăнта — Лука Матвеев, Антон Ермолаев, Максим Иванов, Сергей Иванов, Михаил Золоторевич тата Кирилл Степанов.

Спорт
28 Раштав, 2021

Спорта аталантарма нумай укçа-тенкĕ уйăрнă

«Шупашкар-Арена» пăр керменĕнче ЧР Спорт министерствин коллегийĕн ларăвĕ иртрĕ. Унта тĕрлĕ ыйтăва пăхса тухрĕç.

Спорт министрĕ Василий Петров «Спорт — пурнăç йĕрки» проектпа килĕшӳллĕн уйăрнă укçа-тенкĕпе мĕнле ĕçсем пурнăçлани çинчен каласа кăтартрĕ. Вăл пĕлтернĕ тăрăх, 2021 çулта республикăра футбол уйĕсем, уçă комплекссем, ГТО лапамĕсем тунă, Элĕкре бассейн, Çĕнĕ Шупашкарти хоккей шкулĕнче спортзал хута янă, Ишлейре спорт керменĕ тума пуçланă, Шупашкарти «Атăл» стадионта реконструкци ĕçне пуçăннă.

Спорт
6 Раштав, 2021

Ялта чи вăйли кам?

Хусанта ялта пурăнакансен хушшинче вăй экстримĕпе I Пĕтĕм Раççей турнирĕ ирттернĕ.

Ăмăртура 31 регионти 1,5 пин спортсмен тупăшнă, вĕсенчен 160-ăшĕ финала тухнă. Чăваш Ен команди 3 медаль çĕнсе илнĕ. Тĕрлĕ виçере Валентин Николаев — 1-мĕш, Вероника Григорьева — 2-мĕш, Екатерина Николаева 3-мĕш вырăнсем çĕнсе илнĕ.

www.hypar.ru Чувашинформ.рф căн ÿкерчĕкĕ

Спорт

Pages