Спорт

18 Ака, 2022

4 медаль çĕнсе илнĕ

Иртнĕ эрнере Чăваш Ен гимнасчĕ Владислав Поляшов Атăлçи команди йышĕнче Хусанти наци чемпионатне хутшăннă.

Олимп вăййисенче тупăшнă Владислав ку чемпионатра пур тĕрлĕ медале те тивĕçес тенĕ пулмалла. Маларах «ылтăн» тата «кĕмĕл» илнĕскер ăмăртăвăн пĕтĕмлетӳ кунĕнче икĕ «бронзăллă» пулнă. Пĕрне каштасем çинче хăнăхтарусем пурнăçласа 14 балл пухнăшăн тивĕçнĕ, теприне — перекладина çинчи хăнăхтарусемпе 13,266 балл илнĕшĕн.

Спорт
11 Ака, 2022

Чăваш спортсменĕсен – «ылтăн»

Хусан хулинче Спорт гимнастикин Раççей чемпионачĕ иртет. Унта чăваш спортсменĕсем пысăк кăтартупа савăнтарчĕç.

Олимп резервĕсен 6-мĕш спорт шкулĕн гимнастки Елена Герасимова пĕрене çинче хăнăхтарусем пурнăçласа 1-мĕш вырăн çĕнсе илнĕ. Палăртмалла: Елена Токиори олимпиадăна та хутшăннăччĕ. Екатерина Андреева вара Раççей юниор первенствинче кĕмĕл медаль çĕнсе илнĕ.

www.hypar.ru Sport.cap.ru сăн ÿкерчĕкĕ

Спорт
2 Ака, 2022

Шăпине хоккейпа çыхăнтарнă

Юрий Долгов - хоккеист, РФ спорт мастерĕ. Çĕнĕ Шупашкар ачи "Сокол" спорт клубĕнче пĕрремĕш утăмсене тунă. 16-ра ăна Чулхулари "Торпедо" командине илнĕ. 1996 çулта команда юниорсен Европа чемпионатĕнче çĕнтернĕ. Хоккеистсен Аслă лигин чемпионĕ 2011 çулта спорт карьерине вĕçлесе Чăваш Ене таврăннă, тренер ĕçне пуçăннă.

Паян Юрий Геннадьевич Шупашкарти хоккей аталанăвĕн центрĕнче "Сокол-2007" командăпа ĕçлет. Пултаруллă тренерпа унăн воспитанникĕсем çинчен "Хыпар" хаçатăн çитес номерĕсенче вуласа пĕлме пултаратăр.

Спорт
28 Пуш, 2022

Маунтинбайк ăмăртăвӗнче - «ылтăн»

Иртнĕ канмалли кунсенче Краснодар крайĕнче маунтинбайк енĕпе Пĕтĕм Раççей ăмăртăвĕсем иртнĕ.

Чăваш спортсменĕ Алексей Анисимов 17-18 çулсенчисен ушкăнĕнче «ту çине ăмăртмалла хăпарасси» дисциплинăра ылтăн медаль çĕнсе илнĕ. 2 километра вăл 19 минут та 49 çеккунтра парăнтарнă. Палăртмалла: Алексей — Олимп резервĕсен В.Ярды ячĕллĕ 7-мĕш спорт шкулĕн тата Шупашкарти В.М. Краснов ячĕллĕ олимп резервĕсен училищин воспитанникĕ, спорт мастерĕн кандидачĕ.

Спорт

Pages