«Эп чăваш ачи, эп Батыревăран», — тесе тĕлĕнтерчĕ Бахтияр Умиров калаçу пуçламăшĕнчех. Туркменистан каччи И.Н.Ульянов ячĕллĕ ЧПУн ют чĕлхесен факультетĕнче пĕлÿ пухнă. Иртнĕ эрнере диплом ĕçне хÿтĕленĕскер Чăваш Республикинчех тĕпленесшĕн.
Паян ЧР Пуçлăхĕн тивĕçĕсене вăхăтлăх пурнăçлакан Олег Николаев республикăри волонтерсен организацийĕсен представителĕсемпе видеоçыхăну мелĕпе калаçрĕ.
«Управлени команди» тата «Çамрăк лидерсен команди» конкурссене ЧР Пуçлăхĕн тивĕçĕсене вăхăтлăх пурнăçлакан Олег Николаев пуçарăвĕпе ирттереççĕ. Вĕсене çамрăксене социаллă пурнăç, экономика, обществăпа политика тытăмĕсенче ертÿçĕ должноçĕнче ĕçлеме илĕртес тĕллевпе йĕркеленĕ.
Шупашкарта çуралса ÿснĕ Димăпа Женя Ивановсене ача чухнехи сăн ÿкерчĕксенче пĕр-пĕринчен уйăраймăн: сăнĕ те, тумтирĕ те пĕрешкел. Йĕкĕреше тус-юлташĕ, вĕрентекенсем кăна мар, тепĕр чухне çывăх çыннисем те арпаштарнă. «Пире тÿрех икĕ ятпа чĕнĕр», — сĕннĕ арçын ачасем шÿтлесе.
Хамăр тĕллĕн килте лармалли изоляци тапхăрĕнче никама та çăмăл мар. Çакна шута илсе И.Н.Ульянов ячĕллĕ Чăваш патшалăх университетĕнче вĕренекен, общежитире пурăнакан студентсене профком тÿлевсĕр медицина маскисемпе тивĕçтерет. Вĕсем — нумай хут усă курмаллисем.
Чăвашла верси
Русская версия
