Чăваш Енри çамрăксене социаллă пурнăçпа экономика, обществăпа политика тытăмĕсенче ертÿçĕ должноçĕсенче ĕçлеме илĕртес тĕллевпе «Управлени команди» тата «Çамрăк лидерсен команди» конкурссем пуçласа йĕркеленĕ. Вĕсене ЧР Пуçлăхĕн тивĕçĕсене вăхăтлăх пурнăçлакан Олег Николаев пуçарăвĕпе ирттереççĕ.
«Кăçал хура çырла хура хурлăхан пек шултра. Кусене хĕрĕмпе ывăлăм пуçтарчĕç», — хавхаланса калаçрĕ çул çинче тĕл пулнă, Патăрьеле васкакан водитель. Вăрманăн пылак çимĕçне вăл Патăрьел пасарĕнче сутать. Пĕр витре хура çырла паянхи кун 1 пин тенкĕрен кая мар тăрать. Ишлĕ Шетмĕ, Ульяновка, Люля, Пăлапуç Пашьел ялĕсенчи ачасем çуллахи каникул вăхăтĕнче ахаль лармаççĕ, витре йăтса кашни кунах вăрмана çырла пухма чупаççĕ. Çапла майпа кăштах нухрат ĕçлесе илеççĕ.
Хаçат хуплашки çинчи пике кашни ир 4 сехет çурăра тăрса амăшĕпе пĕрле 30 ĕне аппаратпа сунине кам ĕненĕ? Ăна хитре тумланса, пит-куçне сăрласа сцена çинче çăлтăр евĕр ялкăшнине курма хăнăхнă.
Чăваш Енре Пĕтĕм Раççейри Çемье, юрату тата шанчăклăх кунĕпе килĕшӳллĕн çамрăк çемьесен регионти пĕрремĕш онлайн форумĕ иртнĕ. Ăна Вĕренӳпе çамрăксен политикин министерстви тата Çамрăксен пуçарулăх центрĕ йĕркеленĕ.
Чăвашла верси
Русская версия
