Нумаях пулмасть РФ Конституцине тÿрлетÿсем кĕртес тĕллевпе Пĕтĕм Раççейри сасăлав иртнĕччĕ. Паян ЧР Пуçлăхĕн тивĕçĕсене вăхăтлăх пурнăçлакан Олег Николаев «Конституци волонтерĕсемпе» тĕл пулчĕ.
Вăл — хальхи вăхăтри Çеçпĕл Мишши, хĕрÿ чĕреллĕ чăваш ачи. Владислав МОСКОВЦЕВĂН паллă чăваш поэчĕпе пĕрпеклĕх сахал мар. Ялан çĕнĕлĕхшĕн, креативлăхшăн çунакан каччăпа калаçу кăсăклă пуласса шанса ăна тĕлпулăва чĕнтĕмĕр.
Чăваш Енри çамрăксене социаллă пурнăçпа экономика, обществăпа политика тытăмĕсенче ертÿçĕ должноçĕсенче ĕçлеме илĕртес тĕллевпе «Управлени команди» тата «Çамрăк лидерсен команди» конкурссем пуçласа йĕркеленĕ. Вĕсене ЧР Пуçлăхĕн тивĕçĕсене вăхăтлăх пурнăçлакан Олег Николаев пуçарăвĕпе ирттереççĕ.
«Кăçал хура çырла хура хурлăхан пек шултра. Кусене хĕрĕмпе ывăлăм пуçтарчĕç», — хавхаланса калаçрĕ çул çинче тĕл пулнă, Патăрьеле васкакан водитель. Вăрманăн пылак çимĕçне вăл Патăрьел пасарĕнче сутать. Пĕр витре хура çырла паянхи кун 1 пин тенкĕрен кая мар тăрать. Ишлĕ Шетмĕ, Ульяновка, Люля, Пăлапуç Пашьел ялĕсенчи ачасем çуллахи каникул вăхăтĕнче ахаль лармаççĕ, витре йăтса кашни кунах вăрмана çырла пухма чупаççĕ. Çапла майпа кăштах нухрат ĕçлесе илеççĕ.
Чăвашла верси
Русская версия
