ЧР Пуçлăхĕн тивĕçĕсене вăхăтлăх пурнăçлакан Олег Николаев юнкун каçхине тĕп хулари реконструкциленĕ Хĕрлĕ площадьпе паллашрĕ.
Коронавирус инфекцийĕ пулман тăк кунта паян халăх хĕвĕшетчĕ ĕнтĕ. Курмалли-пахаламалли пайтах-çке. Анчах Шупашкар хулин администрацийĕн пуçлăхĕ Алексей Ладыков ăнлантарнă тăрăх, хула çыннисене йышăнма пĕтĕмпех хатĕр пулин те пандемие пула площаде уçма васкас мар тенĕ.
«Химпром» пĕрлĕх çĕнелӳ çулĕ çине тăнă. Иртнĕ уйăх вĕçĕнче кунта антрахинон меслечĕпе хатĕрлекен водород перекиçĕн производствин строительствине пуçланă.
Шупашкарти Хĕрлĕ тÿреме юсаса çĕнетес ĕç епле пынипе республика тĕп хулин администрацийĕн пуçлăхĕ Алексей Ладыков паллашнă. Вăл пĕлтернĕ тăрăх, подрядчик пулса пурнăçлакан «Дорисс» акционерсен обществи графикран юлса пырать. Апла пулин те палăртнине çĕртме уйăхĕн 24-мĕшĕ тĕлне вĕçлеме шантарнă. «Виçĕ эрне çеç юлать. Ĕçе хăвăртлатмалла», – тенĕ хула администрацийĕн пуçлăхĕ.
Коронавируса пула Çĕнтерÿ кунĕпе çыхăннă мероприятисене каярах ирттерĕç. Апла пулин те тĕп хуламăра уяв сĕмĕ кĕртнĕ: урамсенче — пысăк баннерсем, общество транспорчĕн чарăнăвĕсенче çĕнтерÿçĕсене халалланă пĕлтерÿсем вырнаçтарнă, кĕперсен хĕррипе ялавсем çакнă.
Чăвашла верси
Русская версия
