Хула

Кĕçех Францие каймасăрах Эйфель башни курăпăр. Ăна Шупашкарта чукун çул тăпрасĕ çывăхĕнче вырнаçтарĕç. Башня Парижри пекех, анчах çÿллĕшĕпе 20 метр пулĕ.
Конструкцие пĕлтĕрхи юпа уйăхĕнчех хатĕрлеме пуçланă. Хальлĕхе унăн аялти пайне чукун çул çывăхĕнче «Пĕрлештернĕ чукун çул хуçалăхĕ» таврашĕнче лартнă. Ăна ăсталакан предприятире пĕлтернĕ тăрăх, башньăна Шупашкар çуралнă кунĕ, çурлан 19-мĕшĕ тĕлне хăпартма палăртнă. Каçхине вăл тĕрлĕ тĕслĕ çутăпа ялкăшĕ, çавăн пекех унăн тавралăхне те капăрлатĕç.

— Эпĕ — икĕ ача амăшĕ. Нивушлĕ манăн ачасен çакăнта чупмашкăн, вылямашкăн ирĕк çук? Мĕн, пушă вăхăта суту-илÿ центрĕнче ирттерччĕр-им? — пăшăрханса калаçать Шупашкарти Мате Залка урамĕнчи нумай хутлă çуртра пурăнакан Ольга Семенова. Çамрăк хĕрарăм хăй те пысăк мар çак лаптăкра выляса-чупса çитĕннĕ те — пушшех кÿренмелле. Халь вара çакăнта темиçе хутлă лавкка тума палăртаççĕ иккен.

18 May, 2018 | Хула | Ыйтăм

Шупашкарта пурăнакансем ШĔМĕн çĕнĕ зданийĕпе Суту-илÿ çурчĕ хушшинчи çул ятне палăртаççĕ. Вăл Карл Маркс тата Ярославль урамĕсене çыхăнтарать. Муниципалитет порталĕнче уçă сасăлав пырать. Унта хутшăнакансем Чăваш Енĕн шалти ĕçсен органĕн паллă виçĕ сотрудникĕнчен пĕрне суйлаççĕ.

16 Apr, 2018 | Хула | тасалăх

Пирĕнпе кÿршĕллĕ облаçсемпе республикăсенче ĕç-пуç çав-çавах çивĕч-ха, Чăваш Енре вара çурхи ейÿпе çыхăннă лару-тăрăвăн чи çивĕч тапхăрĕ хыçа юлнă — хăрушлăх сирĕлнĕ. Çакăн çинчен ЧР Пуçлăхĕ Михаил Игнатьев ĕç тăвакан органсен тата муниципалитетсен ертÿçисемпе тунтикунсерен ирттерекен планеркăра ГКЧС ертÿçи Вениамин Петров пĕлтерчĕ.

Pages

Subscribe to Хула