Кун хыççăн кун

8 Нарăс, 2021

Чăваш Ен Пуçлăхĕ Олег Николаев «Элара» предприятире пулчĕ

 Шупашкарти «ЭЛАРА» общество 51 çул тултарнă ятпа паян çак предприятире савăнăçлă пуху иртрĕ.

Андрей Углов генеральнăй директор унăн 2020 çулхи ĕç-хĕлне пĕтĕмлетрĕ.

— Пĕлтĕр общество умне чăрмав чылай тухса тăчĕ, çапах пурне те сирсе пытăмăр, — терĕ. — Укçа-тенкĕ çаврăнăшĕ 8,1 млрд тенкĕпе танлашрĕ. Ку 2019 çулхинчен 10% ытла пысăкрах.

Кун хыççăн кун
8 Нарăс, 2021

Васкавлă пулăшу чĕнес тесен...

Васкавлă пулăшăва хальхи вăхăтра темиçе номерпе шăнкăравласа чĕнме пулать.

Шупашкарта 2018 çултанпа васкавлă пулăшăва талăкăн кирек хăш вăхăтĕнче чĕнмелли пĕрлехи call-центр ĕçлет. Унăн номерĕ – 103. Вăл call-центрăн фельдшерĕпе çыхăнтарать. Кунсăр пуçне тухтăрсене 112 номерпе чĕнсе илме май пур. Унпа шăнкăравласан телефона 112 тытăмăн операторĕ тытĕ.

Кун хыççăн кун
8 Нарăс, 2021

Пайçăсене пухĕç

Чăваш Ен Строительство, архитектура тата çурт-йĕрпе коммуналлă хуçалăх министерстви пайçăсемпе тăтăшах тĕлпулусем йĕркелет. Çакна ведомство республика Пуçлăхĕн хушнине пурнăçласа йĕркелет.

Черетлĕ тĕлпулу нарăс уйăхĕн 12-мĕшĕнче 15 сехетре пуçланĕ. Ку хутĕнче «Алые паруса» çурт-йĕр комплексĕн пайçисене йыхравланă. Вĕсемпе Шупашкарти Энергетиксен урамĕнчи 6-мĕш позицири çурта хăпартассине сÿтсе явĕç. Тĕлпулăва яланхиллех Строймин, прокуратура тата хула администрацийĕн специалисчĕсем хутшăнĕç.

Кун хыççăн кун
8 Нарăс, 2021

Палăртнинчен икĕ хут нумайрах

Чăваш Енри усламçăсем патшалăх пулăшăвне илес тесе заявкăсене тăтăшах нумай функциллĕ центрсенче параççĕ. Ку енĕпе пĕлтĕр пирĕн республика федерацин Атăлçи округĕнче 3-мĕш вырăн йышăннă.

Кун хыççăн кун

Pages