Кун хыççăн кун

Нарăсăн 9-мĕшĕнче Çĕмĕрле хулин администрацийĕн ЗАГС пайĕнче тин çуралнă 3 ачана регистрациленĕ.

Арюхинсем хăйсен тĕпренчĕкне питĕ хăйне евĕрлĕ ят панă — Янис. Николаевсен çемйинче те ывăл çуралнă, ăна Данила ят панă. Степановсен çемйинче хĕрача çут тĕнчене килнĕ, ăна Анастасия тесе çыртарнă. Пĕчĕк Настьăна килĕнче Захар тата Егор пиччĕшĕсем чăтăмсăр кĕтеççĕ.

Патшалăх граждан служби çинчен калакан саккуна кĕртмелли улшăнусемпе Министрсен Кабинечĕн паян ЧР Пуçлăхĕ Олег Николаев ертсе пынипе иртнĕ ларăвĕнче ЧР Пуçлăхĕн Администрацийĕн ертÿçи Вячеслав Борисов паллаштарчĕ. Республика саккунне тÿрлетесси федераци саккунне улăштарнипе çыхăннă. Саккунăн чиновниксене хваттер туянма субсиди памалли пункчĕ, темиçе çул ĕçлеменскер, малашне те, çитес çулхи кăрлачăн 1-мĕшĕччен, «чарăнса» тăрĕ.