Васкавлă пулăшăва хальхи вăхăтра темиçе номерпе шăнкăравласа чĕнме пулать.
Шупашкарта 2018 çултанпа васкавлă пулăшăва талăкăн кирек хăш вăхăтĕнче чĕнмелли пĕрлехи call-центр ĕçлет. Унăн номерĕ – 103. Вăл call-центрăн фельдшерĕпе çыхăнтарать. Кунсăр пуçне тухтăрсене 112 номерпе чĕнсе илме май пур. Унпа шăнкăравласан телефона 112 тытăмăн операторĕ тытĕ.
Чăваш Ен Строительство, архитектура тата çурт-йĕрпе коммуналлă хуçалăх министерстви пайçăсемпе тăтăшах тĕлпулусем йĕркелет. Çакна ведомство республика Пуçлăхĕн хушнине пурнăçласа йĕркелет.
Черетлĕ тĕлпулу нарăс уйăхĕн 12-мĕшĕнче 15 сехетре пуçланĕ. Ку хутĕнче «Алые паруса» çурт-йĕр комплексĕн пайçисене йыхравланă. Вĕсемпе Шупашкарти Энергетиксен урамĕнчи 6-мĕш позицири çурта хăпартассине сÿтсе явĕç. Тĕлпулăва яланхиллех Строймин, прокуратура тата хула администрацийĕн специалисчĕсем хутшăнĕç.
Чăваш Енри усламçăсем патшалăх пулăшăвне илес тесе заявкăсене тăтăшах нумай функциллĕ центрсенче параççĕ. Ку енĕпе пĕлтĕр пирĕн республика федерацин Атăлçи округĕнче 3-мĕш вырăн йышăннă.
Алексей Навальныйăн регионсенчи штабĕсен ертÿçи Леонид Волков Ютубри Navalny Live программăра оппозиционер тусĕсем çывăх вăхăтра çĕнĕ протест акцийĕсем ирттерме хатĕрленменни çинчен евитлерĕ. Мĕнле апла? - тин çеç питĕ паттăр, тĕнчене çавăрса хума хатĕрччĕ вĕт-ха…