«Самант» тусĕсем кĕçех алла журналăн çĕнĕ номерне илĕç. Черетлĕ кăларăм тухнишĕн вĕсем чунран хĕпĕртессе шанатпăр. Ахальтен мар: «Пичетленнĕ кашни сăвă-калавшăн савăнатăп!» - тет журнал тĕпелĕн çамрăк хăни Элина Иванова.
Министрсен Кабинечĕн ĕнерхи ларăвĕнче 2015-2019 çулсенче республика электроэнергетикине аталантармалли схемăпа программăна ырланă. Чăваш Енĕн патшалăх пурлăхне приватизацилемелли планне пăхса тухнă. ЧР Чĕр чунсен тĕнчин объекчĕсене сыхлакан патшалăх службин ертÿçи Владимир Кузюков хăй ертсе пыракан тытăм ĕçĕ-хĕлĕ çинчен отчет тунă.
Тĕплĕнрех - ыранхи номерте.
Çак кунсенче Чăваш Ене савăнăçлă тепĕр хыпар çитрĕ: регболистсен команди çĕр-шыв кубокĕнче çĕнтернĕ. Турнир Киров облаçĕнчи Вятка патшалăх гуманитари университечĕн спорт комплексĕнче иртнĕ.
Ĕнер пограничниксем хăйсен уявне анлăн паллă тунă. Шăмăршăсем çав кун чикĕ сыхлавçисене халласа лартнă палăка уçнă. Ăна салари кану паркĕнче вырнаçтарнă.
Палăка спонсорсен тата пограничниксен çарĕнче пулнисен укçи-тенкипе çĕкленĕ. Ырă çак ĕçĕн пуçаруçи тата йĕркелÿçи - Шăмăршă районĕнчи "Пограничное братство" общество организацийĕн председателĕ Е.Сетриванов. Палăка савăнăçлă лару-тăрура уçма Мускавпа Шупашкар хулисенчен килнĕ пысăк хăнасем те хутшăннă. Кану паркĕнчи çак вырăна шкул ачисемпе çамрăксем питĕ килĕштереççĕ.
Чăваш Республикинчи ача çурчĕсемпе интернат шкулсенчен çуллен 50-100 тăлăх е ашшĕ-амăшĕн хÿтлĕхĕсĕр юлнă ача вĕренсе тухать. Вĕсенчен чылайăшĕ малашнехи çулне професси пĕлĕвĕ паракан организаципе е аслă шкулпа çыхăнтарать. 2012-2013 вĕренÿ çулĕнче, тĕслĕхрен, 12 интернатран 58 çавнашкал çамрăк тухнă.
103-мĕш гварди сывлăш десант дивизийĕ Афганистан çĕрĕ çинчен юлашкинчен тухнă. 350-мĕш полк колоннăна хăрушсăрлăхпа тивĕçтернĕ. Çеçпĕл ялĕнче çуралса ÿснĕ П.Константинов çак полкра 1987 çултанпа хĕсметре тăнă. Вăл çар операцийĕсене 15 хутчен хутшăннă. 1988 çулхи кăрлачăн 12-мĕшĕнче Пактия провинцийĕнче хуралта тăнă вăхăтра 3 душман ункăран çăлăнма хăтланнине асăрханă. Лару-тăрăва хăвăрт хак парса Константинов рядовой автоматран тĕл персе вĕсен çулне пÿлнĕ.
Бакура армспорт енĕпе юниорсен Европăри чемпионачĕ иртнĕ. Унта пирĕн республика спортсменĕсем те хутшăннă.
Федерацин 2013 çулхи нарăс уйăхĕн 23-мĕшĕнчи "Граждансен сывлăхне таврана сарăлнă табак тĕтĕмĕн тата ăна туртнă хыççăнхи сиен витĕмĕнчен сыхласси" 15-мĕш саккунĕ кăçалхи çĕртме уйăхĕн 1-мĕшĕнче туллин ĕçлеме пуçлать. Унăн хăш-пĕр статйи малтанах вăй илнĕччĕ-ха.
Вăрмар районĕнчи Ыхра çырмине Шăплатран тарăн вар уйăрать.
Вилĕмсĕр "Нарспи" поэма авторĕ Константин Иванов çуралнăранпа ĕнер 124 çул çитрĕ. Юбилей е ахаль кун çеç - ун пултарулăхне хаклакансем поэт палăкĕ патне çул тытаççĕ. Хальхинче те çаплах пулчĕ: тĕп хулари Чăваш патшалăх академи драма театрĕ умĕнче /театр та унăн ячĕпех çÿрет/ ларакан палăк умне палăртнă вăхăтра митинга пуçтарăнчĕç. Ăна ЧР Культура министерствин пай пуçлăхĕ Сергей Казаков уçрĕ, малалла Чăваш халăх поэчĕ Валери Туркай ертсе пычĕ. Ун сăмахĕсемпе килĕшмелле: кунта килес тесен чунра чăвашлăх хĕмленмелле. Шăпах унашкаллисем пулчĕç те палăк умĕнче.
Чăвашла верси
Русская версия
