Республикăра наркотиксен тыткăнне лекнĕ çынсен, çавăн пекех наркотиксемпе çыхăннă преступленисен шучĕ ÿссе пынин туртăмĕ палăрать. Çакăн çинчен ĕнер ЧР наркотиксемпе кĕрешекен комиссийĕн Чăваш Ен Пуçлăхĕ Михаил Игнатьев ертсе пынипе иртнĕ ларăвĕнче пăшăрхануллă калаçу пулчĕ.
Тĕплĕнрех - çу уйăхĕн 28-мĕшĕнчи номерте.
Вĕсене пĕр нуша-терт пĕрлĕхе пĕрлештернĕ. Пур ыйтăва та пухăнса, канашласа татса параççĕ. Политика репрессийĕнче шар курнисен республикăри инвалидсен общество организацийĕ пĕрлĕхĕн правленийĕн ларăвне районсене тухса ирттерессине çирĕп йăлана кĕртнĕ. Хальхинче вăл Улатăрта иртрĕ.
Тĕплĕрех "Хыпар" хаçатăн юн кунхи номерĕнче.
Çу уйăхĕн 24-мĕшĕнче Патăрьел районĕнчи Ыхраçырми ял тăрăхĕнче çурхи ĕçсене ăнăçлă вĕçленĕ май Акатуй-Сабантуй" ирттернĕ. Ыхраçырмипе Чăваш Ишекĕнче пурăнакансем çулсерен уяв мероприятийĕ иртекен илемлĕ уçланкăна пухăннă.
"Хыпар" Издательство çурчĕ кăларса тăракан "Çамрăксен хаçачĕн" халĕ хăйĕн гимнĕ пур. Унăн сăввине ЧР культурăн тава тивĕçлĕ ĕçченĕ Альбина Юрату çырнă, кĕввине Людмила Кинер композитор хайланă. "Çамрăксен хаçачĕн" гимнне Чăваш Енре кăна мар, унăн тулашĕнче ят-сум çĕнсе илнĕ "Асамат" ушкăн шăрантарать.
Пысăк сцена çинче çак юрра пĕрремĕш хут çу уйăхĕн 29-мĕшĕнче Шупашкарти "Салют" культура керменĕнче иртекен концертра шăрантарĕç. Хаклă вулакансем, "Людмила Кинер тата чăнкă чăвашсем" концерта пырса курăр!
Номерте.
Çĕр-çĕр тăлăх хваттер кĕтет, кĕтсе илеймест. Тĕплĕнрех...
Вут-кăвартан сыхланар! Тĕплĕнрех...
Стоматолог тĕнче конкурсĕнче çĕнтернĕ.
Шăлсене çĕнетессипе ĕçлекен тухтăрсен пĕтĕм тĕнчери чемпионачĕн Раççей тапхăрне çак кунсенче Хусанта пĕтĕмлетнĕ.
Вăрмар районĕнчи Чупай ялĕнче шкулпа ял библиотекин çурчĕсем хире-хирĕçех вырнаçнă. Пĕлÿ çуртĕнче тупайман кĕнеке-журнала шырама вулавăша вĕренекенсем кĕске тăхтав вăхăтĕнче те чупса каçма пултараççĕ. Тĕслĕх вулавăшăн ертÿçи Вера Леонтьева ваттине те, вĕттине те ялан ăшшăн кĕтсе илнĕрен туртăнаççĕ те кунта ял çыннисем.
Çу уйăхĕн 22-мĕшĕнче ЧР Министрсен Кабинечĕн Председателĕ Иван Моторин республика Пуçлăхĕ çумĕнчи наци проекчĕсене пурнăçлас тĕлĕшпе ĕçлекен канаш ларăвне ирттерчĕ.
Шупашкарта иртнĕ Халăхсен хушшинчи кинофестиваль вĕçленчĕ. Пилĕк кун та пилĕк каç тыткăнларĕ вăл Чăваш Ен тĕп хулинче пурăнакансене. Вĕсене çеç мар, кино çăлтăрĕсене Хĕрлĕ Чутайсемпе Патăрьелсем те йышăнчĕç. Мĕншĕн шăпах вĕсем-ха? "Культура территорийĕ" ята кăçал шăпах вĕсем тивĕçнĕ.
Кинофестиваль малтанхи çулсенчи пекех К.В.Иванов ячĕллĕ Чăваш патшалăх академи драма театрĕнче хупăнчĕ. Тĕплĕнрех "Хыпарăн" ыранхи номерĕнче.
Чăвашла верси
Русская версия
