"КЭС" АХО холдинга çĕнĕлле йĕркелесе çак никĕс çинче вертикаль мелĕпе пĕрлешнĕ компани çуралмалли çĕнĕ бизнес-стратегие пурнăçлама тытăннă. Çакăн çинчен иртнĕ тунти кун КЭС ĕçлекен анлă территори - 16 регион - журналисчĕсем валли йĕркеленĕ видеоконференцире холдинг гендиректорĕ Борис Вайнзихер пĕлтерчĕ.
Пĕтĕм Украинăри чăвашсен пĕрлĕхĕ 2010 çулта чăмăртаннă. Унччен маларах Севастополь чăвашĕсем пĕрлешнĕ. "Анчах вăл унти пурнăçа кăна кăтартнă. Пĕтĕм Украина ĕçĕ-хĕлĕ курăнман. Тăватă çул каялла Остер хулинче пулнă хыççăн Украинăра пурăнакан чăвашсен пĕрлĕхне йĕркелемеллине ăнланса илтĕм, - тет Надежда Лисовая.
Çитес çул Раççейре йывăр атлетика тата кире пуканĕн спорчĕ аталанма пуçланăранпа 120 çул çитет. Тимĕр вăййине юратакансен кружокне пирĕн çĕр-шывра пуçласа Санкт-Петербургри паллă врач В.Краевский хăйĕн килĕнче 1895 çулта йĕркеленĕ. Çывхарса килекен юбилее халалласа çĕр-шыври тĕрлĕ хулара, çавăн пекех чăваш Енре те, пысăк ăмăртусем ирттерме тытăнчĕç. Хăш-пĕр турнирта хаçатăн штатра тăман корреспонденчĕ, спорт ветеранĕ Петр СИДОРОВ пулнă.
Тĕплĕнрех - çĕнĕ номерте.
Виççĕмĕш çул ĕнтĕ Федерацин Атăлçи округĕнчи чи лайăх почтальон ятне пирĕн ентешсем çĕнсе илеççĕ. Кăçал сумлă ята Çĕрпÿ районĕнчи Опытный поселокри çыхăну уйрăмĕнче ĕçлекен Наталья Степанова тивĕçнĕ. Пултаруллă почтальона скутер парса чысланă.
Çак тапхăрта чылай районта ĕнене машинăпа сăвакансен конкурсĕ иртет. Выльăха искусствăлла майпа пĕтĕлентерекенсем те хăйсен хуçалăхĕн чысне хÿтĕлесе пĕр-пĕринпе ăмăртаççĕ. Йăлана кĕнĕ тăрăх – районсенче мала тухнисем республика шайĕнчи ăмăртăва тухаççĕ. Кăçал выльăх-чĕрлĕх ĕçченĕсене Тăвай районĕнчи "Акконд-агро" фирма йышăнать. Конкурс çĕртме уйăхĕн 16-17-мĕшĕсенче иртет.
Ĕнер "Çеçпĕл" кинотеатрта чаплă лару-тăрура халăхсен хушшинчи VII Шупашкар кинофестивалĕ уçăлчĕ. 2008 çултанпа Чăваш Ен тĕп хулинче иртекен кино уявĕ - республикăн культура пурнăçĕнчи чи çутă пулăмсенчен пĕри. Конкурс программине Лариса Садиловăн "Она" илемлĕ фильмĕ уçрĕ. Унпа режиссер хăй тата Наталья Исаева артистка паллаштарчĕç. "Фестивальсен фестивальне" уçаканĕ - Алексей Герман режиссерăн "Трудно быть Богом" ĕçĕ.
Чăваш Республикин Пуçлăхĕ Михаил Игнатьев "Красная звезда" хаçатăн ятарлă корреспонденчĕпе Олег Грознăйпа тата тăван республикăмăрта çуралса ÿснĕ, чăваш офицерĕсен Мускаври "Тăван çĕр-шыв ывăлĕсем" ентешлĕхĕн хастарĕсемпе Александр Зиновьев генерал-майорпа тата РФ Оборона министерствин Çар академийĕн профессорĕпе Иван Николаев полковникпа тĕл пулнă.
Тĕплĕнрех - "Хыпар", 2014, çу, 20.
Çак юрă сăмахĕсене Совет Союзĕнче кашни ача пĕлнĕ. Ахăртнех, вĕсен хушшинче "пионер" ята илтме ĕмĕтленменни пулман та. Пионер - чи шанчăклă юлташ, аслисене хисеплет, кĕçĕннисене кÿрентермест, кирек епле ĕçе те тÿрĕ кăмăлпа пурнăçлать.
Çу уйăхĕн 19-мĕшĕнче Пĕтĕм Союз пионер организацине туса хунăранпа 92 çул çитрĕ. Пионер кунĕ ачасен чи юратнă уявĕ пулнă. Çак кун парад, линейка ирттернĕ, пионерсен ретне илнĕ, кăвайт чĕртнĕ...
Муркашра Çемье кунне халалласа уяв мероприятийĕ иртнĕ. Муркаш район администрацийĕн пуçлăхĕн пĕрремĕш çумĕ Владислав Ананьев районти чи лайăх, туслă тата тĕслĕх çемьесене саламланă май район администрацийĕн Тав çырăвĕсемпе, асăнмалăх парнесемпе чысланă.
Чăвашла верси
Русская версия
