Новости по теме

6 Çу, 2014

Пилĕк авмасăр тырă акăнмасть

Çĕрпÿ районĕнче уй-хир ĕçĕсем кунсерен вăй илсе, сарăлса пыраççĕ. Çу уйăхĕн 5-мĕшĕ тĕлне тăватă хуçалăх çурхи культурăсене акса пĕтернĕ, çав вăхăтрах "Руно" ООО, "Память Ульянова" ЯХПК, Валентина Егорова хресчен-фермер хуçалăхĕ плана 10,1-16,3% çеç тултарнă.

Ял хуçалăхĕ
6 Çу, 2014

Тăпăлнă калчана чĕртеймĕн

Шкулта вĕреннĕ çулсенче "çĕнĕ пурнăç калчисем" тесе каланине тăтăшах илтме тÿр килетчĕ. Пурнăçри ÿкерчĕксем "калчасен" илĕртÿлĕхĕ суя пулнине йышăнма хистеççĕ. /.../

Çулталăк пуçламăшĕнче Вăрмар районĕнчи пĕр ялта икĕ ача ашшĕ хăйĕн çине алă хунă. Икĕ уйăхран - çул çитмен ывăлĕ. Шкул ÿсĕмĕнчи арçын ачан Интернетри социаллă сетьре çырса хăварнă сăмахĕсем çÿç-пуçа вирелле тăратаççĕ: "Çынсем, эсир пурте ытла та усал. Каятăп эпĕ сирĕн патăртан..."

Пулса иртни
6 Çу, 2014

Аварире виççĕн вилнĕ

Инкек ĕнер 0 сехет те 45 минутра Çĕрпÿ - Чĕмпĕр автоçул çинче Комсомольски районĕн территорийĕнче пулнă. Икĕ автомобиль хире-хирĕç пулса çапăннă май виçĕ çын пурнăçĕ татăлнă, çав шутра право хуралĕн органĕсен сотрудникĕсем вилнĕ.

Çак тĕслĕхпе уголовлă ĕç пуçарнă. Судпа медицина, автотехника, трассологи экспертизисем инкек сăлтавне уçăмлатмашкăн пулăшма тивĕç.

Тĕплĕнрех ыранхи номерте çырса кăтартнă.

Пулса иртни
6 Çу, 2014

Чиркÿ вырăнне сăвапларĕç

Паян Чăваш Ен Пуçлăхĕ Михаил Игнатьев Шупашкарти Сергий Радонежский çветтуй ячĕллĕ собор чиркĕвне тума уйăрнă вырăна сăвапланă тата хĕрес лартнă çĕре хутшăнчĕ. Пархатарлă çак ĕçе Шупашкар тата Чăваш митрополичĕ Варнава ертсе пычĕ, вăлах молебен ирттерчĕ.

Аса илтеретпĕр: 2014 çулта Раççей Федерацийĕн Президенчĕн Указне тĕпе хурса Сергий Радонежский çветтуй çуралнăранпа 700 çул çитнине паллă тăваççĕ. Сумлă çак юбилее халалласа пирĕн республикăра та тĕрлĕ мероприяти иртет. Çапах ĕмĕрлĕх асра юлаканни шăпах çак çветтуй ячĕпе хăпартакан собор чиркĕвĕ пулĕ.

Культура
6 Çу, 2014

Çĕнĕ палăк умне - чĕрĕ чечексем

Ку монумент - Чăваш Ен хăйĕн паттăрĕсене ĕмĕр-ĕмĕр асăнса пурăнма çĕкленĕ палăк. Çурçĕр Кавказри, Грузипе Абхази, Грузипе Кăнтăр Осети хушшинчи юнлă хирĕç тăрусене, Югославири мирлештерекен миссие 6898 ентеш хутшăннă, çар тивĕçне причакран пăрăнмасăр пурнăçланă. Чылайăшĕн çулĕ çуралнă кĕтесе каялла выртман, 156 çар çыннипе право хуралĕн ĕçченне тăван тăрăха тупăкра илсе килнĕ.

Халĕ пуç хунă тăванĕсене пуç таймалли вырăн пур, вăл "Çĕнтерÿ" мемориал комплексĕнче вырнаçнă. Ăна паян уçрĕç.

Тĕплĕнрех - "Хыпарăн" çу уйăхĕн 7-мĕшĕнчи номерĕнче.

Культура
Аслă Çĕнтерÿ
6 Çу, 2014

Диктант çырни чăваш чĕлхин пуласлăхĕшĕн сасăланиех

Тăван чĕлхепе пĕрлехи диктант иккĕмĕш хут çыртăмăр. Проектăн тĕп тĕллевĕ çыру пĕлÿлĕхне тĕрĕслессинчен анлăрах: акцие хутшăнса хамăрăн пуян та илемлĕ чĕлхене килес ăрусем валли те упрас шухăшлă пулнине палăртрăмăр.

Миçе çын хутшăннă проекта? Вĕсен географийĕ еплерех? Хăш ÿсĕмрисем ытларах? "Пиллĕк" илнисем миçен? Текста экспертсем мĕнлерех хаклаççĕ? Çак ыйтусен хуравне пĕлес килет-и? "Хыпарăн" ыранхи, çу уйăхĕн 7-мĕшĕнчи, номерĕнче "Вĕренÿ" ятарлă страницăра паллашăр.

Вĕрентÿ
5 Çу, 2014

"Педагог - професси мар, турă пани"

Республикăра "Çулталăк вĕрентекенĕ" конкурс 1992 çултанпах иртет. Пĕтĕмĕшле пĕлÿ парас ĕçре тăрăшакансен хушшинче чи лайăх ăстасене тупса палăртма май паракан тупăшусем паян йышлă: "Чи лайăх воспитатель", "Чи лайăх социаллă педагог", "Чи лайăх психолг-педагог", "Чи лайăх класс ертÿçи".

Вĕрентÿ
5 Çу, 2014

Пĕрисем ят-сумлă, теприсем...

РФ Спорт министерстви регионсен спортăн тĕп тĕсĕсене çирĕплетнĕ. Ведомство йышăнăвĕпе килĕшÿллĕн Чăваш Енре аталантараканнисен йышне тепĕр виçĕ ене кĕртнĕ - триатлон, самбо, фристайл. Çапла вара пирĕн республикăра спортăн 12 тĕп тĕсĕ шутланать: велоспорт-мунтинбайк, çăмăл атлетика, спорт кĕрешĕвĕ, спорт гимнастики, ухăран пересси, йывăр атлетика, биатлон, хăлха илтменнисен тата сусăррисен спорчĕ. Çакă ыттисене аталантарманнине пĕлтермест паллах. Тĕслĕхрен, Чăваш Республикинче спортăн 50 федерацине регистрациленĕ, вĕсен йышĕ ÿссех пырать.

Спорт

Pages

Хыпарсем