Номерте:Республикăри чылай ял-поселока, район центрĕпе хулана илсе çитернĕ мана журналист çулĕ-ĕçĕ. Кирек ăçта пулсан та кашнийĕншĕн ялан сăваплă пулмалли вырăна - Тăван çĕр-шывăн Аслă вăрçин юнлă уй-хирĕсенчен тăван кĕтесе чĕрĕ-сывă таврăнма пÿрмен, пĕр-пĕр яла е хулана тăшманран тасатнă чухне пуç хунă паттăрсене асăнса, вĕсен ячĕсене халăх чĕринче хăварас тесе лартнă палăксемпе çывăх çыннисемпе тăванĕ-пĕтенĕ ĕмĕрлĕхех канлĕх тупнă çăва-масарсене тирпейлесе-пăхса тăнине сăнаса халĕ çеç хам пулнă вырăнти хăй тытăмлăх органĕсен тата кунта пурăнакансен пуçарулхне хак паратăп.
...Çулланнă арçын, пилĕк çул каялла чăвашла мар, вырăсла та пĕр сăмах та пĕлменскер, паян хăйĕн çемйинче виçĕ чĕлхе куллен янăранине çирĕплетет: каталон, вырăс тата чăваш чĕлхисем. Барселона хулинче çуралса ÿснĕ çын Шупашкара мĕнле килсе лекнĕ?
Çуллахи Универсиадăра икĕ кĕмĕл медаль çĕнсе илнĕ спортсменка Алина Прокопьева Японири Нагано хулинче иртнĕ пĕтĕм тĕнче марафонĕнче çĕнтернĕ.
Чăваш наци радиовĕ 5 çул каялла Аслă Патриархăмăр Иван Яковлев çуралнă кун - ака уйăхĕн 25-мĕшĕнче - пĕрремĕш хут эфира тухрĕ. Паян вăл 105 FM тата 72.41 УКВ хумсем çинче, интернетра ntrk21.ru адреспа пĕтĕм тĕнчере талăкĕпех калаçать. Эфирăн пĕр пайне юрă-кĕвĕ, тепĕр пайне информаципе аналитика, обществăпа политика, литературăпа драма, ăслăлăхпа вĕрентÿ, ача-пăча, вăйă-кулă кăларăмĕсем йышăнаççĕ. «Каннă чухне те, ĕçленĕ чухне те - Чăваш наци радиовĕ». Ку эпир шухăшласа кăларнă хитре каларăш мар. Ку чăннипех çапла.
Чăваш патшалăх оперăпа балет театрĕн пуçарăвĕпе йĕркеленĕ Пĕтĕм тĕнчери балет фестивалĕ çулран çул вăй илсе пырать. Кăçал вăл "вун саккăра" çитрĕ.
Çак кунсенче Мускавра çĕр-шыв ертÿçисем ирттернĕ сумлă та пысăк пĕлтерĕшлĕ лару-канашлăва хутшăннă май республика Пуçлăхĕ Михаил Игнатьев ЧР Министрсен Кабинечĕн ĕнерхи ларăвне те тĕп хулара сÿтсе явнă темăсенчен, унти тĕл пулусенчен пуçларĕ. Çав тĕл пулусем Чăваш Ен аталанăвне, социаллă пурнăçпа экономика ыйтăвĕсене татса парассине тÿрремĕнех пырса тивеççĕ.
"Граждансен сывлăхне табак тĕтĕмĕн тата ăна туртнин юлашкийĕсен витĕмĕнчен сыхласси çинчен" саккун йышăнни - Раççейĕн цивилизациллĕ те сывă пуласлăхĕшĕн тунă пысăк утăм. Тĕрĕссипе йытă çимен апата çăвара хыпакансем тĕлĕшпе лару-тăру ырă еннелле улшăнни сисĕнет ĕнтĕ.
"Пĕтĕм чăваш диктанчĕ - 2014" акци иртес кун çывхарать. Эрне кун чăваш чĕлхипе хăйсен пĕлĕвне тĕрĕслес текенсем алла калем тытĕç. Хăш учрежденири аудиторие çул тытĕç? Диктант текстне камсем вулĕç?
Патăрьел районĕнче хĕрсех çурхи уй-хир ĕçĕсем пыраççĕ. «Малалла», «Батыревский» тата И. Ш. Куликов хресчен фермер хуçалăхĕсенче çĕр улми лартма тытăннă. Пĕрчĕллĕ тата пăрçа йышши культурăсене районта планпа пăхнин 30 процентне акнă та ĕнтĕ. Севок сухана хальлĕхе - 72 гектар, сахăр кăшманне 75 гектар çинче акнă.
Чăвашла верси
Русская версия
