Республикăра "Çулталăк вĕрентекенĕ" конкурс 1992 çултанпах иртет. Пĕтĕмĕшле пĕлÿ парас ĕçре тăрăшакансен хушшинче чи лайăх ăстасене тупса палăртма май паракан тупăшусем паян йышлă: "Чи лайăх воспитатель", "Чи лайăх социаллă педагог", "Чи лайăх психолг-педагог", "Чи лайăх класс ертÿçи".
РФ Спорт министерстви регионсен спортăн тĕп тĕсĕсене çирĕплетнĕ. Ведомство йышăнăвĕпе килĕшÿллĕн Чăваш Енре аталантараканнисен йышне тепĕр виçĕ ене кĕртнĕ - триатлон, самбо, фристайл. Çапла вара пирĕн республикăра спортăн 12 тĕп тĕсĕ шутланать: велоспорт-мунтинбайк, çăмăл атлетика, спорт кĕрешĕвĕ, спорт гимнастики, ухăран пересси, йывăр атлетика, биатлон, хăлха илтменнисен тата сусăррисен спорчĕ. Çакă ыттисене аталантарманнине пĕлтермест паллах. Тĕслĕхрен, Чăваш Республикинче спортăн 50 федерацине регистрациленĕ, вĕсен йышĕ ÿссех пырать.
Китайри Тайцань хулинче хăвăрт утас енĕпе тĕнче кубокĕ вĕçленнĕ. Ăмăрту вăхăтĕнче çăмăл атлетсен Пĕтĕм тĕнчери ассоциацийĕн ялавне 2016 çулхи кубок хуçине - Шупашкара - панă.
Çу уйăхĕн 7-мĕшĕнче Çĕнĕ Шупашкарта "Георгий хăйăвĕ" Пĕтĕм Раççей акцийĕ старт илет. "Хула хастарĕсем" общество пĕрлĕхĕн волонтерĕсем Тăван çĕр-шывăн Аслă вăрçин ветеранĕсене тав сăмахĕ каланине пĕлтерекен хăюсене халăха валеçсе парĕç.
Çу уйăхĕн 8-мĕшĕнче Шупашкарта ас тăвăм çуртисене çутаççĕ. Пĕтĕм Раççейри "Ас тăвăм çурти" патриот акцине кирек кам та хутшăнма, çапла майпа Тăван çĕр-шывăн Аслă вăрçин салтакĕсемпе ветеранĕсен паттăрлăхне хисепленине палăртма пултарать.
Нумаях пулмасть республика статусĕпе Раççей тытăмне кĕнĕ Крым Чăваш Енрен тĕслĕх илет тени пĕртте ÿстерсе калани мар.
Тутарстан Республикин Патшалăх Канашĕн Саккунлăх тата право йĕрки енĕпе ĕçлекен комитечĕн председателĕ Шакир Ягудин каланă тăрăх - федерацин çĕнĕ субъекчĕн Тĕп саккунне хатĕрлемешкĕн Чăваш Ен Конституцийĕпе усă кураççĕ, унтан чылай статьяна илнĕ.
Тĕплĕнрех - паянхи номерте.
Канаш районĕнчи Анат тата Тури Сурăм, Кăшнаруй ялĕсен хушшинчи вунă-вун пилĕк çухрăма тăсăлакан вăрман тăрăхне «Правда» колхоз ĕçченĕсем 40-50 çул каялла лартса хальхи, килес ăрушăн пысăк ĕç тунă.
Чăнах та çапла. Нумай чухне эпир ĕмĕр пĕлекен çыннăн пурнăçне нимĕн чухлĕ те тĕшмĕртместпĕр иккен. Пĕлсен – тĕлĕнетпĕр.
Валерий Анатольевич Кузнецова пирĕн тăрăхра лайăх пĕлеççĕ. Çапах унăн паттăрлăхĕпе пурте тивĕçлипе мухтанмаççĕ-ха. Хăйĕнпе пĕр ÿсĕмрисемшĕн вăл – Валери, çамрăккисемшĕн – тете, çемьешĕн – юратнă мăшăр, атте, кукаçи, тăван тăрăхшăн, çĕр-шывшăн – паттăр çын.
«Самант» журналăн евĕрлĕхĕ - тусĕсене тем тĕрлĕ информаципе тивĕçтерни. Бронза тапхăрĕнчи хулашсенчен тытăнса тĕнче уçлăхĕнче пулса курнă шкул ялавĕ таранах ытамлать ака уйăхĕн кăларăмĕ. Вулакансем номерте çамрăк хастарсемпе паллашĕç, çуркунне çуначĕсем çине ларса курĕç, ÿркенменнисем вара юмăçа та кайса килĕç.
Раççей Пенси фончĕн Чăваш Республикинчи уйрăмĕ пĕлтернĕ тăрăх - Пенси фончĕ, почта тата банксем çу уйăхĕнчи уяв кунĕсенче пенси тÿлемелли графика тÿрлетÿ кĕртнĕ.
Почтăн ялти çыхăну уйрăмĕсем пенсие çак графикпа валеçеççĕ:
Чăвашла верси
Русская версия
