Паян республикăри кашни ялта урçапа хусах пайтах. Пĕри авланма иртерех тесе çамрăклăх иртнине сиссе юлайман, тепри - турă çырни пусма вĕçнех килĕ-ха тесе кĕтнĕ, виççĕмĕшĕ - ашшĕ-амăшне тивĕçтерекен хĕр тупайман. Пĕлтерĕшлĕ тепĕр сăлтав та пур. Мĕнлерех сăлтав-ши вăл? Хĕрĕсем тата мĕншĕн яла юлмаççĕ?
РФ пĕтĕмĕшле вĕрентĕвĕн хисеплĕ ĕçченĕ, Çĕрпÿ районĕнчи Сăнав поселокĕнчи вăтам шкулта ачасене чĕрĕк ĕмĕр ытла пĕлÿ паракан Татьяна Петрова конкурс-фестивальсенче çулленех пултарулăхпа палăрать.
Сенегал тĕп хулинче - Дакарта - çăмăл атлетика федерацийĕсен Пĕтĕм тĕнчери канашĕн ларăвĕ иртнĕ. Унта РФ çăмăл атлетика федерацийĕн президенчĕ Валентин Балахничев хутшăннă.
Ларура тĕрлĕ ыйту пăхса тухнă. Çăмăл атлетика федерацийĕсен Пĕтĕм тĕнчери канашĕн ертÿçи Ламин Диак савăнăçлă хыпар пĕлтернĕ: 2016 çулта Хусанта юниорсен çăмăл атлетика енĕпе тĕнче чемпионачĕ ирттерме йышăннă. Спортсменсем Пĕтĕм тĕнче Универсиади валли хатĕрленĕ спорт обьекчĕсенче ăмăртĕç.
Элĕкри тĕп библиотекăра "Чĕлхем, тăван чĕлхем" курав уçăлнă. Ăна чăваш чĕлхин кунне халалланă. Экспозицире - И.Я.Яковлевăн, Н.А.Андреевăн /Урхин/, В.К.Магницкин, Н.И.Ашмаринăн пурнăçĕпе ĕçĕ-хĕлне, çавăн пекех чăваш историне, культурине, йăли-йĕркине çутатакан кĕнекесем. Асăннă выставкăн тĕп тĕллевĕ - чăваш чăлхине аталантарасси, наци культурине, йăли-йĕркине упрасси.
Çапла ят панă Канашри тĕп библиотекăра иртнĕ уяв каçне кĕнеке управçисем. Ăна Чăваш халăх поэчĕ Г.Н.Айхи çуралнăранпа 80 çул çитнине халалланă. Унта Канашри 10-мĕш шкулта 11-мĕш класра вĕренекенсем хутшăннă.
Çуллахи каникулта ачасен сывлăхне çирĕплетес тĕллевпе кăçал бюджетран 15 пине яхăн путевкăлăх 578,5 млн тенкĕ уйăрнă. Пĕр путевка хакĕ - 11748 тенкĕ. Эппин çемье тупăшне кура /ăна справкăпа çирĕплетмелле/ ашшĕ-амăшĕ 20%, 30%, 50% кăна тÿлет. Кунсăр пуçне шкулсенче те кăнтăрлахи лагерь ĕçлет, унта 25 пине яхăн ача канĕ. Палăртмалла, бюджетран уйăракан путевкăсен хисепĕ те, укçа-тенкĕ те çулсеренех 10% ÿсет.
Ыран турра ĕненекенсемшĕн аслăран та аслă, çутăран та çутă праçник - Мăн кун. Вăл - "Кунсен патши", "Праçниксен праçникĕ", "Савăнăçсен савăнăçĕ". Уяв сĕтелĕ валли кашни çемьерех тутлăлантарса шурă çăкăр / кулич/ пĕçереççĕ, çăмарта хĕретеççĕ. Мăн кун çăкăрне халăхра "пурнăç" теççĕ.
Пензăра спорт гимнастики енĕпе Раççей чемпионачĕ иртнĕ. Ăмăртăва Чăваш Ен спортсменĕсем те хутшăннă.
Ял ачисем район центрĕнчи шкула вĕренме кайсан ытларах вырăсла калаçни пирки пĕлтереççĕ пĕлĕшĕмсем. Чăваш чĕлхи кунĕ çывхарнă май çакна хам куçпа курса ĕненес терĕм. Республика варринче вырнаçнă Вăрнар районне суйларăм. Нурăссем мĕнле чĕлхепе пупленине илтес тесе чăн малтан пасара çул тытрăм.
Шупашкарти VII кинофестиваль республикăра кăçал çу уйăхĕн 19-24-мĕшĕсенче иртĕ. Ăна сахал йышлă халăхсен кинематографне халалланă. Фестиваль президенчĕ - РФ халăх артисчĕ, "Мосфильм" киноконцернăн генеральнăй директорĕ Карен Шахназаров режиссер.
Чăвашла верси
Русская версия
