Историре мăнаçлăх паллипе çырăнса юлнă сăваплă кунччен - Çĕнтерÿ уявĕччен - шутлă кунсем кăна юлчĕç. Ăна çÿллĕ шайра хатĕрленсе ирттерес тĕлĕшпе ĕçлекен йĕркелÿ комитечĕн Чăваш Республикин Пуçлăхĕ Михаил Игнатьев ертсе пынипе иртнĕ ĕнерхи канашлăвне пĕтĕмлетÿллĕ тесен те йăнăш мар: çав тапхăрта мĕн пурнăçланине тишкерсе хак пачĕç, кăлтăксенчен хăтăлмалли çул-йĕре шырарĕç.
1994 çулхи çĕртме уйăхĕн 21-мĕшĕнче республикăн Патшалăх Канашĕ хăйĕн Конституци полномочийĕсене пурнăçлама пуçланă. Çакна Чăваш Ен парламентаризмĕн аталанăвĕн çĕнĕ тапхăрĕн пуçламăшĕ тесе хаклаççĕ. ПК кĕçех 20 çул тултарать, çак ятпа ĕнер Правительство çурчĕн Ларусен пысăк залĕнче ЧР Патшалăх Канашĕн çирĕпленĕвĕпе аталанăвне, саккун кăларас ĕçе лайăхлатассине халалланă наука-практика конференцийĕ иртрĕ.
Ака уйăхĕн 30-мĕшĕнче Раççей пушар хуралне туса хунăранпа 365 çул çитет. Паллă çак пулăма халалласа К.В.Иванов ячĕллĕ Чăваш патшалăх академи драма театрĕнче савăнăçлă мероприяти иртрĕ. Пушар хуралĕн ĕçченĕсемпе ветеранĕсене Чăваш Ен Пуçлăхĕ Михаил Игнатьев саламларĕ.
Республика Пуçлăхĕ малтан Хĕрлĕ тÿремре хатĕрленĕ куравпа паллашрĕ: пушарнăйсемпе çăлавçăсен техникипе оборудованине, вĕсем ĕçре усă куракан ятарлă тумтире, хÿтĕлев хатĕрĕсене пăхса тухрĕ.
Тĕплĕнрех - "Хыпар" хаçатăн ака уйăхĕн 30-мĕшĕнче тухакан номерĕнче.
"Тивĕçлĕ канăва тухнăранпа пилĕк çул иртрĕ. Апла пулин те тăван шкула тăтăшах çÿретĕп. Ĕçтешĕмсем чĕннипе кăна та мар, чунăм туртнипе. Пире, аслă ăру çыннисене, кунта яланах хапăлласа йышăнаççĕ.
Шорккари фольклор ансамблĕ Тутарстан çĕрĕнче мухтавлă Патриарх И.Я.Яковлев çуралнăранпа 166 çул çитнине халалланă уява хутшăнчĕ.
Кăнна Кушкинче Чăваш Ен хăнисене Теччĕ район администрацийĕн пуçлăхĕн çумĕ Ильдар Файкулов, ял тăрăхĕн пуçлăхĕ Сергей Гаврилов кĕтсе илчĕç.
Чăваш чĕлхи кунĕнче Куславкка хулинче поэзие юратакансен «Смолин вулавĕсем» конкурсĕ иртнĕ.
Украина, Украина!.. Чăнласах та асăмран каймастăн эсĕ юлашки кунсенче. Эпир сана мĕн пĕчĕкрен юратнă. Хамăрăн аслă та чаплă поэтăмăр Çеçпĕл Мишши çавăнта пуç хунăшăн-ши?.. Юратнă пиччем Петр Николаевич Днепр хĕрринче çапăçса йывăр аманнине пĕлнипе-ши?
Хими наукисен докторĕ, профессор, Ленин тата Патшалăх премийĕсен лауреачĕ, правительство наградисен нумай хут кавалерĕ... Çакă пĕтĕмпех пĕр çыннăн, Иван Иванович Корнилов паллă ăсчахăн, сумлă ячĕсем. Чĕмпĕр облаçĕнчи Вăта Тимĕрçен ялĕнче çуралса ÿснĕскер чăваш ятне çÿле çĕклеме пултарнă.
Иртнĕ тунти кун Чăваш Республикин Пуçлăхĕ Михаил Игнатьев Етĕрне районĕнче пулчĕ, çурхи ĕçсем мĕнле пынипе кăсăкланчĕ.
Район администрацийĕн пуçлăхĕ Владимир Кузьмин пĕлтернĕ тăрăх - мĕн кирли йăлтах çителĕклĕ. Пĕрчĕллĕ тата пăрçа йышши культурăсене Етĕрнесем çу уйăхĕн 9-10-мĕшĕсен тĕлне акса пĕтерес тĕллевлĕ.
Михаил Васильевич акционерсен "Чапаев ячĕллĕ лаша завочĕ" уçă обществинче хуçалăх ертÿлĕхĕпе тĕл пулчĕ. Механизаторсене кун çутипе туллинрех усă курма сĕнчĕ, огнетушителе кабинăра яланах пĕрле илсе çÿремелли çинчен аса илтерчĕ.
Ĕне сума та радиоприемник йăтса тухать Етĕрне районĕнчи Ачак ялĕнче пурăнакан Людмила Андреевна Айдак. Икĕ ĕнипе пĕр качкине суса пĕтернĕ хушăра республика хыпарĕсене пĕлет, илемлĕ юрă-кĕвĕ итлесе киленет. Çапла, каннă самантра та, ĕçленĕ вăхăтра та кирлĕ наци радиовĕ.
Ял çынни уйрăмах юратса итлекен радио пирвайхи хут эфира тухнăранпа 5 çул çитрĕ. Нумай-и ку, сахал-и? Ура çине тăчĕ теме пулать-и? Çакăн пирки Чăваш наци радиовĕн продюсер центрĕн пуçлăхĕпе Олег ПРОКОПЬЕВПА калаçатпăр.
Чăвашла верси
Русская версия
