Шăмат кун, çĕртме уйăхĕн 14-мĕшĕнче, Чăваш Енре сывлăхпа спорт кунĕ иртĕ. Чăваш Ен Пуçлăхĕ Михаил Игнатьев указĕпе килĕшÿллĕн палăртнă кун çынсен кашни уйăхра спорт керменĕсене тÿлевсĕр çÿреме ирĕк пур.

Мĕнле хурăн çинчен сăмах пынине, вулаканăм, ăнкараймарăн пулĕ-ха. Вăрмар районĕнчи Энĕшпуçĕнче "ÿсет" вăл. Унăн тураттисем хĕлĕн-çăвĕн симĕс. Туятăп, эпĕ шахвăртнине сисрĕн. Çапла, ăста алăсен "çимĕçĕ" ку йывăç.

Асăннă кăларăм влаç органĕсем халăх ыйтăвĕсене татса парассишĕн, яла тирпей-илем кÿрессишĕн, пурнăç условийĕсене лайăхлатассишĕн, тăлăхсене çурт-йĕрпе тивĕçтерессишĕн тата ыттишĕн мĕнле ĕçленине уççăн çутатать. "Хыпар" хаçатăн юн кунхи номерĕнче кун çути курнă кăларăмра та ку темăна çивĕч хускатнă. Статьясен ячĕсемех çакăн çинчен калаççĕ: "Хальлĕхе тÿнтерле ÿкерчĕк", "Кÿренсе тата кÿрентерсе пурăнар мар", "Тепĕр суйлавччен кĕттересшĕн-ши?", "Пĕр-пĕрне ăнлансан сахалрах йăнăшăпăр..."

Енчен сире эпир халĕ мĕн калани кăсăклантарнчĕ тăк - хаçатăн юн кунхи номерне алла илме тăрăшăр.

Спорт мелĕпе утакансен Раççей чемпионачĕ Шупашкар кÿлмекĕ хĕрринче тата "Олимпийский" стадионта, малтан палăртнă пекех, икĕ куна пычĕ. Чемпионат парнисемшĕн тата çĕр-шывăн пĕрлештернĕ командисене кĕме тивĕçлĕ пулассишĕн Мордва, Чăваш, Удмурт республикисен, Мускавпа Санкт-Петербург хулисен, Новосибирск, Пенза, Кемĕр, Мускав, Иваново облаçĕсен тата ытти хăш-пĕр регионăн чи пултаруллă спортсменĕсем тупăшрĕç. Командăсен хушшинче малти вырăнсене Мордвапа Чăваш республикисен тата Мускав атлечĕсем йышăнчĕç.

Тĕплĕнрех - çитес номерте.

Экономика тĕнчинчи цифрăсене тишкерме тата пĕр-пĕринпе танлаштарма хăнăхнăран-ши - Чăвашстат материалĕсемпе паллашма кăмăллатăп. Мана ут йышĕ республикăра юлашки çулсенче геометри прогрессийĕпе чакни тĕлĕнтерчĕ. Чĕлхесĕр янавара халĕ ял ачисем те пурте палламаççĕ.

Пĕррехинче Шупашкарти пĕр шкулта вĕрентекен пĕрремĕш класа çÿрекенсене лаша ÿкерме хушнă. Пурте тенĕ пекех мультфильмсенче кăтартакан чĕр чунсене сăнарланă. "Эсир çулла ялта пулман-им, лаша курман-им?" - тĕлĕннĕ педагог. Хăш-пĕр ялта çак чĕр чуна пачах усрамаççĕ пулсан ачасем ăна епле пĕлме пултарччăр?

ЧР ШĔМĕн çул çÿрев хăрушсăрлăхĕн патшалăх инспекцийĕн управленийĕн ертÿçисем чан çапаççĕ: республикăри çулсем çинчи лару-тăру тăруках çивĕчленнĕ! Кăçалхи 5 уйăхра регистрациленĕ 592 аварире 79 çын вилнĕ, 703-ĕн аманнă.

Pages

Subscribe to