Паян Чăваш патшалăх филармони çуртĕнче Строитель кунне халалланă уяв иртрĕ. Савăнăçлă мероприятие Чăваш Ен Пуçлăхĕ Михаил Игнатьев хутшăнчĕ. Михаил Игнатьев республикăри строительство отраслĕнче вăй хуракансене тата ветерансене уяв ячĕпе саламларĕ, строитель профессийĕ ку чухне уйрăмах пĕлтерĕшлĕ пулнине, Правительство отрасле ăнăçлă аталанма пур майпа та тивĕçтерме тăрăшнине палăртрĕ.
Паян «Хыпар» издательство çуртĕнче Шупашкар районĕнчи хастар общественник, вăл тăрăхри хисеплĕ çын, 1958 çултанпа СССР журналистсен союзĕн членĕ, Шупашкар районĕн хисеплĕ гражданинĕ, Чăваш Республикин хисеплĕ таврапĕлÿçи, Фадей Константи
Ĕнер, çурла уйăхĕн 9-мĕшĕнче, Вăрмар районĕнчи Енĕшпуçĕнче культура çурчĕ уçăлнă. Вырăнти культура вучахне туса лартма федераци, республика тата вырăнти хыснасенчен 27,3 миллион тенкĕ уйăрнă.
Сумлăран та сумлă ентешĕмĕр, чăваш ятне çăлтăрсем патне çĕкленĕ Андриян Николаев çÿл тÿпене улăхнăранпа 55 çул çитнине республикăра сумлăн уявлама хатĕрленеççĕ.
Паян Чăваш Республикин Пуçлăхĕ Михаил Игнатьев тата Хусан патшалăх университечĕн ректорĕ Ильшат Гафуров малашне ЧР Министрсен Кабинечĕпе кÿршĕ регионти аслă вĕрентÿ заведенийĕ пĕрле ĕçлесси пирки килĕшÿ тунă.
Чăваш Енĕн прокуратури Тăвай районĕнче пурăнакан нумай ачаллă çемьене хÿтĕленĕ. Надзор органне çитме 30 тăваткал метрлă пÿртре саккăррăн хĕсĕнсе пурăнни хистенĕ.
Паян Чăваш Енĕн Транспорт тата çул-йĕр хуçалăхĕн министерствинче общество транспортĕнче çул укçи тÿлемесĕр çÿрекенсене явап тыттарасси çинчен калакан саккун проектне хытах сÿтсе явнă. Унта пухăннисем ытти регионти ку опытпа кăсăкланнă. Çивĕч туйăннă ыйтусене тĕплĕн тишкернĕ хыççăн вĕсем общественниксем саккуна хытармаллипе килĕшнĕ.
Канашри ачасен социаллă приютне çывăх вăхăтра комплекслă пулăшу кÿрекен унти центрпа пĕрлештерĕç. Чăваш Енĕн Министрсен Кабинечĕн паянхи ларăвĕнче ку йышăнăва ырланă.
Министрсен Кабинечĕн юнкунхи ларăвне ЧР Пуçлăхĕ Михаил Игнатьев кун йĕркинче малтанах палăртман ыйтусенчен пуçларĕ. Пĕр кун маларах республикăна РФ Президенчĕн Атăлçи округĕнчи полномочиллĕ представителĕ Михаил Бабич килсе кайнă тата Раççей Правительствин пуçлăхĕ Дмитрий Медведев Волгоградра Атăла упрас, тасатас енĕпе канашлу ирттернĕ май пурнăçламалли ĕçсем пирки калаçу пулчĕ.
Паян РФ Президенчĕн федерацин Атăлçи округĕнчи полномочиллĕ представителĕ Михаил Бабич Шупашкарта ĕçлĕ çÿревпе пулчĕ. Вăл Совет Союзĕн Геройĕ А.В. Кочетов ячĕллĕ федерацин Атăлçи округĕн Чăваш кадет корпусĕнче пулса курчĕ.
Чăвашла верси
Русская версия
