Шупашкар хула кунне уявланă май çурла уйăхĕн 19-мĕшĕнче Шупашкарта В.И. Чапаев ячĕллĕ скверта "Чапай чей ĕçме чĕнет" проекта хутшăнма йыхравлаççĕ. Вăл 13 сехетрен пуçласа 15 сехетчен пырĕ.
Паян Улатăр хули 465 çулхине уявланă май унта "Ылтăн ухă йĕнни" халăх промыслисен тата ремеслисен конкурсне ирттернĕ. Курава Мордва, Тутарстан республикисенчи, Чулхула облаçĕнчи тата тăван республикăмăрти ăстасем хутшăннă.
Курава Улатăрти ÿнер шкулĕнче вĕренекен ачасем тата асăннă вĕренÿ заведенийĕн преподавателĕ Елена Николаева та хăйсен ĕçĕсене тăратнă. Ачасем йывăçран касассипе маттур пулсан, Елена Николаева пуканесем ăсталать. Ылтăн алăллă преподаватель маçтăр-класс та ирттернĕ.
Ял хуçалăх организацийĕсем вырмана еплерех хатĕрленнине пĕлес тĕллевпе "Хыпар" издательство çуртĕнче ĕçлекенсем çурла уйăхĕн 4-мĕшĕнче Патăрьел тăрăхне çитсе килчĕç.
"Хыпар" издательство çурчĕ чăваш халăх хаçатне çырăннисен хушшинче йĕркеленĕ лотерея вылявĕнче Кĕçĕн Патăрьел ялĕнчи Смирновсем çĕнтернине пĕлтернĕччĕ.
Чăваш Енри тăватă спортсмен Раççей спорт мастерĕн ята илнĕ. Хушăва РФ спорт министрĕ Павел Колобков утă уйăхĕн 28-мĕшĕнче алă пуснă, ырă хыпара ЧР Спорт министерствин сайтĕнче паян пĕлтернĕ.
Чăваш Енри предпринимательсене Александр Рыбаков хÿтĕлĕ. Хушăва Чăваш Енĕн Пуçлăхĕ Михаил Игнатьев çурла уйăхĕн 4-мĕшĕнче алă пуснă. Паянах вăл çĕнĕ уполномоченнăйпа тĕл пулнă.
Паян, çурла уйăхĕн 4-мĕшĕнче, Морис Яклашкин дирижер 70 çул тултарать. Чăваш патшалăх академи симфони капеллине 40 çул ертсе пыраканскере шкул пĕтерсен амăшĕ тухтăра вĕренме ярасшăн пулнă. Тăвай районĕнчи Чутейра çуралса ÿснĕскере Канаш тата унти медицина училищи çывăх пулнă. Анчах çав хулари педагогика училищин музыка уйрăмĕн студенчĕ пулса тăнă.
Елчĕк районĕнчи "Рассвет" кооперативра ĕнер пăрçа çулма тухнă. Паян Улатăр районĕнчи "Новь" тулли мар яваплă обществăра (сăн ÿкерчĕкре) кĕрхи тулла вырма пуçланă.
Елчĕк районĕнче пĕрчĕллĕ тата пăрçа йышши культурăсем 22 пин ытла гектар йышăнаççĕ. Вырмара унта 76 комбайн ĕçлеттерме палăртаççĕ.
Кăçалхи утă уйăхĕн 29-мĕшĕнче нумай хваттерлĕ пурăнмалли çуртсенче çурта тытса тăнăшăн тÿлемелли йĕркене çĕнĕлĕхсем кĕртессипе федераци саккунне йышăннă. Çавна май Чăваш Республикин çурт-йĕр инспекторĕ Александр Юркин паян журналистсемпе тĕл пулчĕ, çĕнĕлĕхсем çинчен каласа пачĕ.
Паян, çурла уйăхĕн 3-мĕшĕнче, Красноармейски районĕнчи «Красное Сормово» хуçалăхра Китайри делегаци пулнă. Унтан вăл Вăрнар районне тухса кайнă. Республикăн Ял хуçалăх министерствинче пĕлтернĕ тăрăх, ыран ушкăн Пăрачкав районне çитĕ.
Чăвашла верси
Русская версия
