Ырантан, çурла уйăхĕн 26-мĕшĕнчен, Шупашкарта тата республикăри ытти хулара "Кĕр парни-2017" курав уçăлать. Канмалли кунсенчи суту-илÿ ял хуçалăх продукцине ăна туса илекентен тÿрремĕнех туянма май парĕ.
Паян республика Пуçлăхĕ Михаил Игнатьев Муркаш районĕн активĕпе канашлу ирттерчĕ. Унта районĕн социаллă пурнăçĕпе экономикин кăçалхи прремĕш çур çулхи аталанăвне пĕтĕмлетрĕç тата иккĕмĕш çур çулхи тĕллевсене палăртрĕç.
«Онкологири информаци тата инноваци технологийĕсем» темăпа паян Шупашкарта регионсен хушшинчи ăслăлăх-практика конференцийĕ уçăлчĕ.
Министрсен Кабинечĕн паянхи ларăвне республика Пуçлăхĕ Михаил Игнатьев Мускавра пулнă май "Çар-2017" куравра пулни, Чăваш Енĕн "Росатомри" презентацийĕ çинчен каласа панинчен пуçларĕ.
Çурла уйăхĕн 23-мĕшĕнче ЧР Министрсен Кабинечĕн Председателĕн çумĕ — ял хуçалăх министрĕ Сергей Артамонов, юстиципе пурлăх хутшăнăвĕсен министрĕ Наталья Тимофеева, патшалăх ветеринари службин ертÿçи Сергей Скворцов журналистсене Шупашкар районĕнчи «Чăваш бройлерĕ» акционерсен уçă обществин тĕп харпăрлăхçисем çак предприятие çав-çавах аталану çулĕ çине тăратманран фабрика умне çĕнĕ йывăрлăхсем тухса тăнине пĕлтерчĕç.
Ыран Çĕнĕ Шупашкарта пенсионерсем спартакиадăна пуçтарăнĕç. Аслă çулхисем хушшинчи кун пек ăмăртăва кăçалхипе пиллĕкмĕш хут йĕркелеççĕ. Унта палăрнисем республикăн пĕрлештернĕ командине кĕрĕç, унтан Раççейри ăмăртăва тухса кайĕç.
Кун йĕркинче икĕ теçеткене яхăн ыйту пулин те ЧР Патшалăх Канашĕн ытларикун иртнĕ черетлĕ вунпĕрмĕш сессийĕнче тĕп калаçу республика бюджетне улшăнусем кĕртесси тавра пулчĕ. Тĕп доклада вице-премьер — финанс министрĕ Светлана Енилина турĕ, саккун проекчĕн тишкерĕвĕ вара икĕ сехете яхăнах тăсăлчĕ.
Паян Чăваш Енре Раççейĕн Патшалăх ялавĕн кунне халалласа тĕрлĕ мероприяти иртет. Сăмах май каласан, паян республикăн культура учрежденийĕсен çурчĕсен малти енне Раççей Федерацийĕн тата Чăваш Республикин Патшалăх ялавĕсене çакнине иртен-çÿрен те асăрхарĕ пулĕ. Шупашкарти И. Яковлев проспектĕнче вырнаçнă Пичет çуртне те паян ялав уяв сĕмĕ кÿрет.
Вӑрмар районӗнчи Энӗшпуҫсем нумай ҫул хушши клубсӑр пурӑннӑ. Ҫурла уйӑхӗн 5-мӗшӗнче вӗсен ӗмӗчӗ тинех пурнӑҫа кӗнӗ. Кунта 150 вырӑнлӑ ҫӗнӗ культура ҫурчӗ уҫӑлнӑ.
Чăвашла верси
Русская версия
