Новости по теме

26 Çу, 2015

Чăваш Ен - Раççей инноваци аталанăвĕн малти вунă регионĕн йышĕнче

Чăваш Ен Пуçлăхĕ Михаил Игнатьев май уйăхĕн 23-мĕшĕнче республикăри муниципалитет районĕсен тата хула округĕсен администрацийĕсен пуçлăхĕсемпе видеоконференци мелĕпе канашлу ирттернĕ.

Канашлăва уçнă май Михаил Игнатьев Чăваш Ен Раççей инноваци аталанăвĕн вунă регионĕн йышне кĕни, Мускав, Санкт-Петербург, Тутарстан тата Калуга облаçĕ хыççăн пиллĕкмĕш вырăн йышăнни çинчен каласа кăтартнă. «Ку пирĕн пĕрлехи çĕнтерÿ, пĕрлехи тухăçлă ĕçĕн кăтартăвĕ», - палăртнă Михаил Игнатьев.

Экономика
26 Çу, 2015

Сĕт çав-çавах йÿнелет

Килти хуçалăхсем сутакан сĕт хакне юлашки хут «Хыпарăн» апрелĕн 15-мĕшĕнче кун çути курнă номерĕнче тишкернĕччĕ. ЧР Ялхуçалăх министерстви майăн 15-мĕшĕ тĕлне пуçтарнă сводкăна ун чухнехи пĕтĕмлетÿпе танлаштарсан мĕн курăнать-ха?

Пĕтĕм районта сутлăх хак самаях ÿкнĕ. Улатăр районĕнчи А.Красулина пайтаçăн 16 тенкĕ пулнă, 14 юлнă. Ытти усламçă ăна 1-2 тенкĕ чакарнă.

Элĕк тăрăхĕнчи Н.Сергеева, Е.Захаров, «Вурнары Завод СОМ» ООО, «Иволга» ЯК, Д.Никифоров, ытти усламçă хака 2 тенкĕ антарнă.

Ял хуçалăхĕ
Сĕт хакĕ
26 Çу, 2015

Çĕнтерÿçĕсенчен виççĕшĕ - Вăрнар районĕнчен

ЧР Ялхуçалăх министерстви ĕçе пуçăнакан фермерсемпе çемьепе выльăх ĕрчетекенсен конкурсне пĕтĕмлетнĕ. Комисси ларăвĕсенче 166 бизнес-плана пăхса тухнă. 149-шĕ - ĕçе тытăнакан фермерсен, 17-шĕ - выльăх-чĕрлĕх тытакан çемье фермисен.

Ял хуçалăхĕ
26 Çу, 2015

Вика Цыганова: «Чăваш Енре çынсем уçă та ырă кăмăллă»

Майăн 24-мĕшĕнче тĕп хулари Хĕрлĕ тÿремре Раççей тава тивĕçлĕ артисткин Вика Цыгановăн «Ку вăл манăн Тăван çĕршыв» концерчĕ иртнĕ. Ăна Славян çырулăхĕпе культурин кунне халалланă. Мероприяти «Пĕрлĕхлĕ Раççей» парти пулăшнипе иртнĕ.

Культура
26 Çу, 2015

Вăй - пĕрлешÿре

Тутарстанра «Президентпа пĕрле» обществăлла центр питĕ тухăçлă ĕçлет. Вăл тĕрлĕрен форумсем, ĕçлĕ тĕлпулусем йĕркелет. Форумсен ĕçне мĕнпур районти обществăлла организацисем хутшăнаççĕ. Вĕсенче республикăна аталантарас ыйтусене сÿтсе яваççĕ, тĕрлĕ проект-программăна тишкереççĕ, сĕнÿсем параççĕ. Çавăн пек майпа республикăн 2030 çулчченхи аталанăвĕн проектне туса хатĕрленĕ. Проекта ТР Патшалăх Канашĕ кăçалхи май уйăхĕнче йышăнма палăртнă.

Культура
25 Çу, 2015

Çаврăнăçуллă опер

Халĕ вăл полицире ĕçлемест ĕнтĕ, маларах вара Раççей ШĔМĕн экономика хăрушсăрлăхĕн тата коррупципе кĕрешекен пайĕн оперуполномоченнăйĕ пулнă. Тĕрĕссипе, хăйĕн унашкаллипе кĕрешмелле - вăл вара коррупци çулĕ çине тăнă.

СК управленийĕн уйрăмах пĕлтерĕшлĕ ĕçсене тĕпчекен пĕрремĕш пайĕ 30 çулти экс-полицейски тĕлĕшпе çак кунсенче тата виçĕ уголовлă ĕç пуçарнă - должноç полномочийĕсен картинчен тухнăшăн тата взятка илнĕшĕн. Çав шутра пысăк виçепе взятка илни те пулнă.

25 Çу, 2015

Ÿсĕр тата... правасăр

Çулталăк каялла çул çинче ПАИ сотрудникĕсемпе курнăçни Вăрмар районĕнчи Çĕнĕ Мăнтăр ялĕнче пурăнакан 50 çулти фермершăн ытла та ăнăçсăр вĕçленнĕ. Ун пирки уголовлă ĕç пуçарнă. Тепĕр тесен айăпĕ никамра та мар, хăйĕнче кăна.

çул-йĕр
25 Çу, 2015

Машинăпах хăваланă

Нумаях пулмасть кăна-ха Патăрьел районĕнчи Шăнкăртам çамрăкĕ тĕлĕшпе çул çитмен хĕре вĕлернĕшĕн уголовлă ĕç пуçарнăччĕ, халь вара каллех çак ял каччи путсĕр ĕç тунă - 25 çултискер хăйĕнчен тăватă çул аслăрах хĕрарăма пусмăрлама тăнă.

çул-йĕр
25 Çу, 2015

«Кĕсьере манăн - граната!»

Чăваш Енĕн шалти ĕçсен министрĕн Сергей Семеновăн ячĕпе Крым Республикин Тĕп следстви управленийĕн Белогорск районĕнчи следстви пайĕнчен тав çырăвĕ килнĕ. Çулталăк каялла Раççей йышне кĕнĕ çурутравăн йĕркелĕх хуралçисем пирĕн ентеш пирки ырă сăмахсем çырнă.

Pages

Хыпарсем