Новости по теме

28 Çу, 2015

Чи лайăххисене палăртнă

Чăваш Енре пĕчĕк тата вăтам предпринимательствăпа ĕçлекен 50 яхăн пин организаципе предприяти шутланать. Вĕсенче 153 пин çын вăй хурать. Республика экономикинче тăрăшакансен пĕрре виççĕмĕш пайĕ çав тытăмра ĕçлет. Пĕлтĕр вĕсем 247,6 млрд тенкĕлĕх продукци туса кăларнă, виçĕм çулхипе танлаштарсан кăтарту 2,5 процент ÿснĕ. Çакăн çинчен пĕлтернĕ республикăн экономика аталанăвĕн, промышленноçпа суту-илÿ министрĕ Владимир Аврелькин Раççейри предпринимательство кунне халалланнă уявра.

Экономика
28 Çу, 2015

Амнисти алиментран хăтармасть

Тăвай районĕнчи 30 çулти Геннадий Егоров 2010 çулхи апрельтенпе хăйĕн пĕчĕк ачи валли алимент тÿлессинчен сĕмсĕррĕн пăрăнса пурăннă. Парăм виçи 437 пин тенке яхăнах капланнă. Паллах, кунашкаллишĕн саккун пуçран шăлмасть.

Суд приставĕ укçа тÿлемелли пирки ăна пĕрре кăна мар асăрхаттарнă. Геннадий суд хăйĕнчен алимент шыраса илме йышăннине те пĕлнĕ. Пурпĕр тÿлемен, ачи мĕнле ÿснипе кăсăкланман, воспитани пирки шухăшламан. Официаллă майпа асăрхаттарнă хыççăн çулталăкра икшер хут кăна алимент шучĕпе укçа панă - 500 тата 1 пин тенкĕ.

Пулса иртни
28 Çу, 2015

Сиен - 520 пин ытла тенкĕлĕх

Ача садĕнче çавăн чухлĕ укçа вăрлама май çуках тесе шутласа илтĕр-тĕк - йăнăшатăр. Улатăр хулинчи муниципалитет садикĕсенчен пĕрин заведующийĕ шкулчченхи вĕренÿ заведенийĕнче те саккуна пăсса пысăк тупăш илме май пуррине хăйĕн тĕслĕхĕпе ĕнентерсе панă.

Ун тĕлĕшпе Уголовлă кодексăн темиçе статйипе уголовлă ĕç пуçарнă: должноç полномочийĕсемпе киревсĕр тĕллевпе усă курнăшăн, служба вырăнĕпе усă курса пысăк виçепе укçа вăрланăшăн, службăри ултавшăн. Ĕçе Следстви комитечĕн Çĕмĕрлери пайĕ тĕпчет.

Вĕрентÿ
28 Çу, 2015

Питĕнчен - тимĕр чашăкпа

Шупашкар районĕн сучĕ Ханты-Манси автономи округĕнчи Сургут хулинче пурăнакан, халĕ Раççей ФСИНĕн Чăваш Енри управленийĕн юсанмалли 6-мĕш колонийĕнче кирпĕч шутлакан 34 çулти арçын тĕлĕшпе приговор вуланă. Ăна çирĕп режимлă колоние 5 çул та 3 уйăх та 19 кунлăха лартма йышăннă.

Пулса иртни
27 Çу, 2015

Купăста лартаççĕ

Çуркунне хресчен пуç чиксе утнă, кĕркунне пуç çĕклесе пынă тенĕ. Хĕрÿ тапхăрта, çуракинче ĕç çыннин каçăрăлса утма-и, пуç çĕклеме те вăхăт çук. Вăрнар районĕнчи Михаил Тарасов фермер кăвак шуçăмпах уй-хире васкать. Çурхи лăпкă кунăн кашни сехечĕпе туллин усă курма тăрăшать. Кăçал унăн çурхи культурăсем 220 гектар йышăнмалла, купăста - 16, хĕрлĕ кăшман - 2.

Ĕçченсем çĕр типсенех техникăна уй-хире кăларнă. Утмăл гектар çинче нумай ÿсекен курăксене сÿреленĕ, минерал удобренийĕпе апатлантарнă.

Ял хуçалăхĕ

Pages

Хыпарсем