Новости по теме

27 Çу, 2015

Лартма вырăн хатĕрле

Республикăра çăмăл машинăллă граждансен йышĕ çуллен ÿсет. Хальхи вăхăтра автомототранспорт шучĕ пĕтĕмпе - 333740 единица. Хальхи пурнăçра вăл е ку ыйтăва хăвăрт татса пама, ĕçе васкавлă пурнăçлама килте транспорт пулни пĕлтерĕшлĕ. Анчах çакăнпа пĕрле тепĕр ыйту çивĕчленет: машинăна упрама ятарлă вырăн çукран ăна ăçта май килнĕ, çавăнта лартаççĕ. Уйрăмах çакна хуласемпе район центрĕсенче каçсерен сăнама пулать. Ача-пăча площадкине те, чечек газонне те, тротуара та пăхмаççĕ. Çăл, пушартан сыхланмалли шыв гидранчĕсен вырăнĕсене йышăнаççĕ.

çул-йĕр
27 Çу, 2015

Амăшĕсем валли - тивĕçлĕ вырăн

Ăна тупмашкăн ĕçлев центрĕсем пулăшаççĕ

Демографи лару-тăрăвне лайăхлатмашкăн Раççей регионĕсенче пуринче те комплекслă мерăсем туса хатĕрленĕ. Вĕсенчен пĕрне, хĕрарăмсен социаллă-ĕçлев тытăмĕнчи прависемпе гарантийĕсене хÿтĕлессипе çыхăннине, халăха ĕçпе тивĕçтерекен службăсем пурнăçа кĕртеççĕ.

Экономика
Салтак амăшĕсем
27 Çу, 2015

Илемпе ăс-пурлăх хуçисем

Паян - Пĕтĕм Раççейри библиотека кунĕ. Кĕнеке пирĕн пурнăçра пысăк пĕлтерĕшлĕ пулнине шута илсе 1995 çултанпа паллă тăватпăр ăна. Шăпах çак кун 20 çул каялла эпир Раççейри пĕрремĕш вулавăша - паянхи Раççей наци библиотекине - йĕркелесе янăранпа 200 çул çитнине сумлăн уявланăччĕ.

Хальхи вăхăтра Чăваш Енре 511 вулавăш, унта 1125 библиотекарь ĕçлет. Патшалăх тата муниципалитет шайĕнчи ăс-пурлăх фондĕнче пурĕ 9561,1 пин экземпляр документ упранать.

Культура
27 Çу, 2015

Шупашкарта усламçăсене чысларĕç

Ĕнер Чăваш патшалăх филармонийĕнче Раççей предпринимательлĕх кунне халалланă савăнăçлă пуху иртрĕ. Ăна ЧР экономика министрĕ Владимир Аврелькин уçрĕ.

"Иртнĕ 4 çул хушшинче патшалăх республикăри усламçăсене 1,5 млрд тенкĕ парса пулăшнă, - терĕ. - Ку укçана предприятисен тĕп фончĕсене инвестици хывма, чикĕ леш енчи патшалăхсем валли тавар туса кăларма, продукцие сертификацилеме, специалистсем вĕрентсе хатĕрлеме, оборудовани туянма, ытти нумай ыйтăва татса пама янă".

Экономика
27 Çу, 2015

Самолетпа хăвăртрах çитетĕр

Çанталăк ырлăхне кура отпуска каякан çулла уйрăмах йышлă. Нумайăшĕ ăна тăван ялта ирттерет. Хула çынни дачăра кун-кунлама кăмăллать. Çав вăхăтрах тинĕс хĕрринче канма, ют çĕршыва кайса курма, çул çÿреме юратакансем те сахал мар.

çул-йĕр
27 Çу, 2015

Тĕрĕслевĕн тĕп тапхăрĕ пуçланчĕ

Майăн 25-мĕшĕнче ППЭ тĕп тапхăрĕ пуçланчĕ. Патшалăх экзаменĕсене Чăваш Енре литературăпа - 194, географипе 164 çамрăк экзамен тытнă. Пурĕ Раççейре тĕп тапхăра хутшăнма 715,5 пин хĕрпе каччă ыйтса çырнă, вĕсенчен 699,6 пинĕшĕ - шкултан кăçал вĕренсе тухакансем.

Экзамен йышăнма Канаш, Çĕмĕрле хулисенче, Çĕрпÿ районĕнче - 1, Шупашкарта 2 пункт уйăрнă. Аудиторисенчен ытларах пайне онлайн-видеосăнавпа тивĕçтернĕ, кĕсье телефонĕсене хуплакан хатĕрсем - кашни пунктрах. Паллах, çакнашкал çирĕп йĕрке тĕ-рĕслеве май пур таран ултавсăр ирттерессипе çыхăннă.

Вĕрентÿ
27 Çу, 2015

Паха тавар тупăшăва тÿсĕмлĕ

Май уйăхĕн 26-мĕшĕнче Шупашкарта "Ют çĕршывсенчен кÿрсе килнĕ тавар вырăнне хамăрăнне туса кăларма пуçлани - регионсен предпринимательлĕхне аталанма май туса пани" темăпа "Тĕрĕслĕхшĕн тăракан Раççей" политика партийĕн федерацин Атăлçи округĕнчи депутачĕсен конгресĕ иртрĕ. Ăна РФ Патшалăх Думин депутачĕ Михаил Брячак ертсе пычĕ. Пухăннисене Раççей предпринимательлĕхĕн кунĕ ячĕпе саламларĕ, тĕлпулăва округăн 14 субъектĕнчен 146 çын хутшăннине пĕлтерчĕ.

Ял хуçалăхĕ
Экономика
26 Çу, 2015

Ĕç стажĕ пĕчĕкленет

2015 çулхи июньтен «Чăваш Республикин ĕç ветеранĕ» ята илме çăмăлланĕ. Малашне арçынсен пĕтĕмĕшле ĕç стажĕ – 42 çул та 6 уйăх, хĕрарăмсен 37 çул та 6 уйăх пулмалла. Унччен вара арçынсен 45 çулран кая мар ĕçлемелле пулнă, хĕрарăмсен - 40 çул. Чăваш Республикин Пуçлăхĕ Михаил Игнатьев пулас ветеранăн ĕç стажне 2,5 çул кĕскетесси пирки кăларнă йышăнăва алă пуснă ĕнтĕ. Документ 2015 çулхи июнĕн 1-мĕшĕнчен вăя кĕрет.

Экономика
26 Çу, 2015

Суя укçа

Юлашки вăхăтра суя хут укçа сарăлма тытăнни сисĕнет. Вĕсем темиçе алă витĕр тухса банка та лекеççĕ. Финанс учрежденине çитиччен ниме тăман хутсене чăн укçаран уйăрса илекен тупăнманни тĕлĕнтерет. Мĕн тăвас тетĕн, ултавçăсем те ăсталăха ÿстерсех пыраççĕ çав.

Нумаях пулмасть Шупашкарти банка пĕр фирма укçа хывнă. Медицина оборудованийĕсем сутакан предприятин тупăшĕ те самай пулнă. Банк ĕçченĕсем чăштăр-чăштăр хутсене йышăннă май 1 пин тенкĕлĕххисем хушшинче суя укçа асăрханă. Суту-илÿ çурчĕсенче купюрăна тĕрĕслемелли аппаратсем пурах ĕнтĕ. Мĕншĕн вĕсемпе усă курман-ши?

Экономика

Pages

Хыпарсем