Новости по теме

Ӗнер ирхине, ҫӗртме уйӑхӗн 7-мӗшӗнче, Раҫҫей МЧСӗн Тӗп управленийӗн Кризис лару-тӑрӑвӗнчи управлени центрне шӑнкӑрав ҫитнӗ. Муркаш районӗнчи Юнкӑ шывӗн плотининче, Кӑпас ялӗ ҫывӑхӗнче, 49 ҫулти арҫын путса вилнӗ. Вырӑнта пурӑнакансем унӑн кӗлеткине асӑрхаса шывран кӑларнӑ.

Раҫҫей МЧСӗн Чӑваш Енри тӗп управленийӗ пӗлтернӗ тӑрӑх, ҫулталӑк пуҫланнӑранпа Чӑваш Енре шыв ҫинче 7 инкек пулнӑ, вӗсенчен улттӑшӗнче ҫын вилнӗ, пӗрне ҫӑлнӑ.

Чăваш Енри сусăрсене электроприводлă кресло-кÿме, ура валли ятарлă аппарат, çурăм шăммине тытакан хатĕр илме ÿлĕмрен çăмăлрах пулĕ.

Раççей Ĕç министерстви нумаях пулмасть çĕнĕ йĕрке йышăннă. Унта палăртнă тăрăх, сусăрсен хăйсене куллен кирлĕ реабилитаци хатĕрсене ылмаштариччен вĕсене медицинăпа техника экспертизине ярса вăхăт ирттерме тивмĕ. «Ортезсен 90 процентне пĕрех юсама май çук», – тенĕ Раççей ĕç тата социаллă хÿтлĕх министрĕ Антон Котяков çĕнĕ йĕркене йышăннин сăлтавне уçăмлатнă май.

Чăваш Енри ача çурчĕсенче пурăнакансене çуллахи каникулта çемьене илме юрать. Çакна тăлăхсем кил ăшшине туйччăр, унти йăла-йĕркене ăша илччĕр тесе тăваççĕ.

Ача çуртĕнче темле лайăх пăхсан та килтине çитес çук. Хысна çуртĕнче ялан пурăнни йăлăхтарать. Каникул вăхăтĕнче тăлăхсене ют çынсемех вăхăтлăха хăйсен хÿттине илейĕç. Ун валли ача çуртне çитсе заявлени çырмалла, коронавируспа чирлеменнине ĕнентерекен справка тăратмалла.

www.hypar.ru obrazov.cap.ru сăн ÿкерчĕкĕ.

Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев Интернетри хăйĕн социаллă страницисенче мĕн çырнине йăлтах вуласа пынине пĕлтернĕ.

«Сирĕн комментарисенче тата уйрăм çырусенче хуравламастăп тесе ÿпкеленине час-часах асăрхатăп. Суймасăр калатăп: пурне те вулатăп, кашнине хуравлама пур чухне те вăхăт çитмест», – тесе çырнă вăл Фейсбукра.