Чăвашла верси
Русская версия
6 Раштав, 2021
Ларевăн ĕçĕсем – куравра
Раштавăн 3-мĕшĕнче Чăваш патшалăх ӳнер музейĕнче Владимир Ларевăн «Планета çинчи пурнăçшăн» куравĕ уçăлнă.
Новости по теме
6 Раштав, 2021
139-мĕш дивизие халалласа
Паллă мар салтак кунĕнче Йĕпреç районĕнчи Пăвакасси ялĕнчи культура çурчĕ çине асăну хăми вырнаçтарнă.
«Тăван çĕршывăн Аслă вăрçи вăхăтĕнче çак çуртра ЧАССРта йĕркеленнĕ 139-мĕш стрелоксен батальонĕн 39-мĕш уйрăм сапер батальонĕ вырнаçнă», — тенĕ унта. Асăну таблицине вырнаçтараканĕсем — «Астăвăм» шырав отрячĕ. Мероприятире шкул ачисем совет халăхĕн вилĕмсĕр паттăрлăхĕ çинчен сăвă каланă. Унтан пуçтарăннисем паттăрсене асра тытнине палăртса шăплăх минучĕ ирттернĕ.
6 Раштав, 2021
Ялта чи вăйли кам?
Хусанта ялта пурăнакансен хушшинче вăй экстримĕпе I Пĕтĕм Раççей турнирĕ ирттернĕ.
Ăмăртура 31 регионти 1,5 пин спортсмен тупăшнă, вĕсенчен 160-ăшĕ финала тухнă. Чăваш Ен команди 3 медаль çĕнсе илнĕ. Тĕрлĕ виçере Валентин Николаев — 1-мĕш, Вероника Григорьева — 2-мĕш, Екатерина Николаева 3-мĕш вырăнсем çĕнсе илнĕ.
www.hypar.ru Чувашинформ.рф căн ÿкерчĕкĕ
6 Раштав, 2021
Соцконтракт нушаран хăтарать
Чăваш Ен Пуçлăхĕ Олег Николаев тунтикунсерен ирттерекен канашлура ĕçлев министрĕ Алена Елизарова социаллă контрактсемпе çыхăннă ĕç çинчен каласа кăтартрĕ.
6 Раштав, 2021
36,6 пин тенкĕпе сутакан çук
Строительство министрĕн тивĕçĕсене пурнăçлакан Владимир Максимов граждансен уйрăм категорийĕсене пурăнмалли çурт-йĕрпе тивĕçтерес енĕпе мĕнле ĕçленипе паллаштарчĕ. Çакăн валли кăçал бюджетран 1,4 миллиард тенкĕ уйăрнă. Пурăнмалли условисене çулталăк пуçланнăранпа 1,3 пин ытла çемье лайăхлатнă — çĕнĕ çулччен ку кăтарту, паллах, пысăкланĕ.
6 Раштав, 2021
Сивĕ хĕл те ăшă пултăр
Коронавирусран сыхланасси тунтикунхи канашлусенче кашнинче тенĕ пекех çĕкленет — ку хутĕнче те çаплах пулчĕ. Чăваш Ен Пуçлăхĕ Олег Николаев инфекцин çĕнĕ штамĕ — омикрон — пысăк хăрушлăх кăларса тăратнă май сыхлăха çухатма юраманни çинчен тепĕр хут аса илтерчĕ. Раççее вăл сарăлнă çĕршывсенчен çынсем килеççĕ — пире пырса тивмĕ-ха теме çук. Çĕнĕ çул çывхарнă май халăх миграцийĕ пысăкланать — пушшех асăрханмалла.
4 Раштав, 2021
Шырав отрячĕсен хастарĕсем фестивале пухăнчĕç
Етĕрне районĕнчи «Сăрçи шурăмпуçĕ» кану базинче йĕркеленĕ республикăри шырав отрячĕсен «Чĕре ас тăвăмĕ» фестивалĕ виçĕ куна тăсăлать. Ăна Сăр тата Хусан хӳтĕлев чиккисене тăвакансен ĕç паттăрлăхне халалланă. Ку вырăна ахальтен суйламан: çакăнтан инçех мар хӳтĕлев чикки иртет. Çавăнпах окоп чавнă çĕрте паян ас тăвăм палли вырнаçтарчĕç.
2 Раштав, 2021
Финала çитнĕ
Чăваш Енри икĕ студент раштавăн 1-3-мĕшĕсенче çамрăксен «Ертсе пыр!» менеджмент кубокĕн финалне хутшăнма тивĕçнĕ.
2 Раштав, 2021
Сочиненирен — кĕнеке таран
Шупашкарта шкул ачисем валли йĕркеленĕ «Тыл та фронт пулса тăнă» конкурса 200-е яхăн сочинени килсе çитнĕ.
Чи лайăх 68 ĕçе суйласа «Тыл та фронт пулса тăнă» кĕнекере пичетлесе кăларнă. Унта салтаксен, вăрçă ачисен, тыл ĕçченĕсен пурнăçĕ…
Конкурс çĕнтерӳçисене Чăваш наци музейĕнче чысланă. Ун хыççăн ачасем «Чăваш Енĕн хӳтĕлев чиккисем — тылри паттăрлăх» куравпа паллашнă.
www.hypar.ru Cap.ru сăн ÿкерчĕкĕ
2 Раштав, 2021
Аварире çын вилнĕ
Хĕлĕн пĕрремĕш кунĕнче Çĕнĕ Шупашкара илсе кĕрекен «Вятка» автоçулăн кĕперĕ çинче тăватă машина çапăннă.
«Лада-Веста», «Фольксваген-Пассат», «Хендай-Солярис» тата «Рено-Дастер» пĕр-пĕрне чышăнсан пĕрремĕшĕ çаврăнса ӳкнĕ, шалта ларакан икĕ çын сурана пула çавăнтах вилнĕ. «Лада-Вестăри» тепĕр çынна тата «Хендай» пассажирне больницăна илсе çитернĕ.
Хĕллехи кунсем пуçланнă май çул çинче уйрăмах асăрхануллă пулмаллине ан манăр!
