Новости по теме

Патшалăх Канашĕн черетлĕ тăваттăмĕш сессийĕ кĕçнерникун малалла ĕçлерĕ. Депутатсем теçеткене яхăн саккун проектне тишкерчĕç. Сессин пĕрремĕш тапхăрĕнчи пекех — хальхинче те кун йĕркинче республикăн 2022 çулхи тата планпа пăхнă 2023, 2024 çулсенчи бюджечĕн проекчĕ тĕп вырăнта пулчĕ. Парламент ăна иккĕмĕш вулавпа тишкерсе йышăнчĕ.

Юнкун ЧР Пуçлăхĕ Олег Николаев ертсе пынипе иртнĕ ларура Правительство икĕ саккун проектне ырларĕ тата Министрсен Кабинечĕн темиçе йышăнăвне улшăнусем кĕртессине çирĕплетрĕ. Çав шутра — граждансен уйрăм категорийĕсен çăмăллăхĕсене пырса тивекен тӳрлетӳсем.

Вĕрентӳ организацийĕсенче наркоманирен сыхланас енĕпе пурнăçлакан профилактика ĕçĕнче çĕнĕ мелсем шырани усăсăр, ку велосипед шухăшласа кăларас тенĕ пек те туйăнать. Анчах ĕç уссишĕн çунсан çĕннине тупма пулать иккен. Республикăра наркотиксемпе кĕрешекен комиссин ытларикун ЧР Пуçлăхĕ Олег Николаев ертсе пынипе иртнĕ ларăвĕнче çакна ЧР ШĔМĕн наркотиксен çаврăнăшне тĕрĕслесе тăракан управленийĕн пуçлăхĕ Данис Шакуров хăйĕн тĕслĕхĕпе çирĕплетрĕ.

Чӳк уйăхĕн 20-мĕшĕнче Наци вулавăшĕнче «Манăн пурнăçри кĕнекесем: пултаруллă çынсен библиотекинчен» курав уçăлнă.

Ку мероприятие библиотекăн 150 çулхи юбилейне халалланă. Куравăн тĕп сăнарĕсем: Ирина Булыгина, Оксана Вербина, Елена Енькка, Николай Жданов, Михаил Кондратьев, Максим Курленко, Роза Лизакова, Атнер Хусанкай тата ыттисем. Проекта хутшăнакан 12 çын хăйсен юратнă кĕнекисем çинчен каланă, çав видеороликсене библиотекăн You-Tube-каналне вырнаçтарнă.