«Çыннăн хăйĕн ĕмĕрĕнче çурт, йывăç лартмалла, ача пăхса ÿстермелле»,- теççĕ халăхра. Пепке çурални яланах пысăк савăнăç. Çемьене харăсах икĕ «çĕнĕ кайăк» хушăнни вара тата та хĕпĕртÿллĕ пулăм. Çак кунсенче Йĕпреç районĕнче «Икĕ хут телей» йĕкĕрешсен уявĕ иртнĕ.
Çĕнĕ Шупашкарти лаша спорчĕн комплексĕн строительство лапамĕнче çак кунсенче тăрăллă манежа, администраци корпусне, выльăх апачĕ хатĕрлемелли ангара туса пĕтереççĕ.
Йĕпреç районĕн «Çĕнтерÿшĕн» хаçачĕ вулакансем патне ĕнер вунă пинĕмĕш номер çитрĕ. Унăн пĕрремĕш номерĕ 1932 çулхи нарăсăн 5-мĕшĕнче тухнă. Тĕрлĕ çулта хаçата «Çĕнĕ пурнăç», «Колхоз пурнăçĕ», «Коммунизм çĕнтерĕвĕшĕн» ятсемпе кăларнă. 1965 çулхи ака уйăхĕнчен пуçласа вăл «Çĕнтерÿшĕн» ятпа пичетленет. Вырăнта типографи пулман вăхăтра райхаçата Канашра та, Улатăрта та пичетлеме тивнĕ.
Пирĕн республикăра «Агропромышленноç комплексĕн ветеранĕсен союзĕ» общество организацине йĕркеленĕренпе икĕ çул та çитмен-ха, анчах вăл кĕске вăхăтрах хăйĕн тăрăшулăхĕпе тата пуçарулăхĕпе палăрма ĕлкĕрчĕ. Тахçанах кĕмĕлленнĕ çÿçлĕ ветерансене пĕрлештерекен ушкăн республика ертÿлĕхĕпе, ЧР Патшалăх Канашĕпе тачă çыхăнса ĕçлет.
Кашни ялăн хăйĕн историйĕ, мухтавлă çыннисем, ку чухнехи иртсе пыракан шавлă ĕç çеммиллĕ кунĕсем... Мĕнле пурăнать-ха вăл, мĕнпе сывлать? Ялсен пурнăçĕ çинчен «Хыпарта» вуласах пыратпăр, çыннисемпе пĕрле савăнатпăр. Тăван ен пирки шухăша путатпăр.
Чылай ял хăйĕн çуралнă кунне палăртма вăй çитерет. Çуралнă тăван кĕтес кун-çулне пĕлмеллех пирĕн. Йăли-йĕркине аталантармалла, çитĕнекен ăрăва паллаштармалла-вĕрентмелле. Вĕсем ăна та, ял культурине те ан манччăр, пуянлатма-çĕнетме тăрăшчăр. Çакă вара эпир паян вĕсемпе епле ĕçленинчен нумай килет.
Культура учрежденийĕсенче çеç мар, ытти отрасльте ĕçлекенсем те Культура çулталăкĕнче ырă пуçарусемпе палăраççĕ: вăл никамшăн та ют мар. Ял хуçалăхĕнче, акă, çĕр ĕç культури пĕлтерĕшлĕ, тепĕр тытăмра - тата тепри.
Канашри тавра пĕлÿ музейĕн ĕçченĕсем пысăк çитĕнÿ тунă: вăраха пынă реставраци хыççăн пысăк зала хута янă. Ăна нумаях пулмасть уçнă.
Хĕрлĕ Чутай районĕнче çуралса ÿснĕ, халĕ тĕп хулара пурăнакансем яланах пуçарăллă. Культура çулталăкĕнче вĕсен хастарлăхĕ тата та ÿсрĕ. «Чавал» /Хĕрлĕ Чутайсен ентешлĕх ячĕ/ пуçарăвĕпе район центрĕнче пысăк концерт иртнĕ.
Федерацин Атăлçи округĕнчи культура учрежденийĕсем Культура çулталăкĕнче палăртнă тĕллевсене мĕнле пурнăçласа пыни пирки çĕртме уйăхĕнче Шупашкарта пысăк мероприяти иртнĕччĕ. Ун чухне вырăнтан килнĕ министрсем, яваплă ытти специалист хăйсен опычĕпе паллаштарнăччĕ.
Чăвашла верси
Русская версия
