Республика ертӳçи форум çĕнтерӳçисемпе тĕл пулчĕ
Чăваш патшалăх эксперимент драма театрĕн директорĕ Валерий Проворов çак çамрăксене вутăн хĕлхемĕсемпе танлаштарчĕ. Вĕсен малашлăхра аталанмаллине палăртрĕ. И.Н.Ульянов ячĕллĕ Чăваш патшалăх университечĕн экономика факультетĕнчи коворкинг-центрта пухăннисем те унпа килĕшрĕç. Сăмах çамрăксен «Иволга» форумĕн çĕнтерӳçисемпе финалисчĕсем пирки. Тĕрлĕ компетенцире проект çырса мала тухнă хастарсене республика Пуçлăхĕ Олег Николаев тĕл пулса саламларĕ, тав хучĕпе чысларĕ.