Хăшĕн тĕрри хитререх?
Елена Соловьева Сĕнтĕрвăрри районĕнчи Кĕсле ялĕнче çуралнă. Ĕлĕк-авал çак тăрăхра кĕсле тунă теççĕ. Çавăнпах кунти халăх музыкăна лайăх ăнланать. Елена Леонидовна юрлама кăна мар, çыхма та, тĕрлеме те ăста. "Пурнăçа, çывăх çынсене чунран юратмалла, вара ĕç майлашăнса пырать", — кăмăлĕ лайăх хĕрарăмăн. Унăн ашшĕпе амăшĕ Леонид Ивановичпа Нина Федоровна Плотниковсем те килте ĕçе пайласа тăман. Уявсенче купăс каласа юрланă.