Ĕнер çĕнтерÿçĕ салтаксене хисеплесе çар тумĕллĕ ачасемпе çамрăксем Шупашкарти Хĕрлĕ тÿреме Çĕнтерÿ парадне тухрĕç. Вĕсем çарпа патриотизм конкурсне хутшăнса, спорт ăмăртăвĕсенче палăрса, лайăх вĕренсе çак чыса çĕнсе илнĕ.
"Çĕнтерÿшĕн тав тăватпăр! Уяв ячĕпе саламлатпăр!" — шкул умĕнче пĕр саслăн кĕтсе илчĕç ветерансене Шупашкарти 29-мĕш шкул ачисем. Сумлă хăнасене ырлăх-сывлăх, канлĕ ватлăх сунса виçкĕтеслĕ çырусем хатĕрленĕ вĕсем. Çакă йăлтах чуна ăшăтать, патриотизм туйăмне çирĕплетет.
Элĕк районĕнчи Чăваш Сурăм хĕрарăмĕсем тахçанах Мăнкуна хатĕрленме пуçланă. Ахаль ларма хăнăхман ал ăстисем темĕн те пĕр çыхса тултарнă. Чăхпа тĕрлĕ тĕслĕ çăмарта уяв сĕтелне хăйне евĕрлетесси пĕрре те иккĕлентермест. Кăмакара пĕçернĕ пек курăнакан кулич кайран та уяв саманчĕсене аса илтерĕ.
Ачасем урокран тухасса ытти ашшĕ-амăшĕпе пĕрле шкул коридорĕнче кĕтсе тăратпăр. Çав вăхăтрах 1-мĕш класра вĕренекенсем чупса çитрĕç. Пĕрне, пĕчĕкреххине, иккĕн алăран тытрĕç те тепри тапсах хĕнеме пуçларĕ. Вĕсем никама та асăрхамаççĕ тейĕн. Чылай вăхăт иртрĕ унтанпа, анчах çак ÿкерчĕк çаплипех куç умĕнчен каймасть.
Шупашкар районĕнчи Пархикассинчи Василий Курбаткин вăрçă ветеранĕ Шоссе урамĕпе шоссе çулпа утма ĕмĕтленни çинчен хамăр хаçатра пĕлтĕрех çырнăччĕ. Ял хапхинчен кĕрсенех пылчăк çăрăлнине хăнăхма çук паллах. Çитменнине тата вырăнĕ шурлăхлă — çумăр çумасан та лачакаллă.
Чăвашла верси
Русская версия
