Çĕр пин сăмах, çĕр пин тĕрĕ, çĕр пин юрă çĕршывĕнче çуралса ÿснĕ Анна Андреевăпа тĕл пулсан вăл атте-анне чĕлхипе тăван халăхшăн вăй-халне шеллеменнине ăнлантăм. Шупашкар районĕнчи Пархикассинче пурăнаканскер ăруран ăрăва упраннă чĕлхерен вăтанмасăр калаçни, чăвашла таса пуплени калама çук савăнтарчĕ.
Апрелĕн 7-мĕшĕнче Пĕтĕм тĕнчипех Сывлăх кунне паллă турĕç. Пĕтĕм тĕнчери сывлăх сыхлав организацийĕ пуçарнипе кашни çулах тĕрлĕ мероприяти иртет. Кăçал çак куна апат-çимĕç хăрушсăрлăхĕпе çыхăнтарнă. Сывлăх кунĕнче пирĕн çĕршывра "Сывă пулмалли вăхăт" акци йĕркеленчĕ.
"Лайăх та шанчăклă юлташ, ырă кăмăллă çын", - теççĕ ун пирки тусĕсем. Шăмăршă районĕнчи Кивĕ Чукалта çуралса ÿснĕ Мария Тридворнова чăннипех те çавнашкаллине унпа тĕл пулсан хам та ăнлантăм. Çынна ырă тума тăрăшакан, йывăрлăхра пуç усман пике пурнăçа юратать, малашлăха савăк кăмăлпа тинкерет.
Чылайăшĕ студент вăхăчĕ пурнăçри чи интереслĕ самантсенчен пĕри пулнине палăртать. Заняти пуçланасса 15 минут кĕтни, лекцисенче çырусем вĕçтерни, сессие хатĕрленни... Аслă шкул çĕнĕ çынсемпе туслаштарать, нумайăшне Турă çырнине тĕл пулма та вăлах пулăшать. Студент вăхăтĕнче çуралнă юрату - чи çирĕппи теççĕ. Чуна çунатлантаракан туйăма пĕр-пĕрне савакансен шухăш-кăмăлĕ те, вĕсем хăш тĕне ĕненни, хăш халăх çынни пулни те ура хураймаççĕ. «Студентсен утравĕн» паянхи хăнисем те студент чухнех мăшăрланнă.
Çумăр та чăрмантарман
Пирĕн республикăра "Чăваш Ен ахахĕсем" фестиваль-конкурс иккĕмĕш хут иртет. Ăна ЧР Культура тата Вĕренÿ министерствисем пулăшнипе ЧР культурăн тава тивĕçлĕ ĕçченĕ Маргарита Павлова тата Сергей Бреус предприниматель йĕркелеççĕ. Малтан "Шупашкар районĕн ахахĕсем" пулнăскер нумаях пулмасть ятне улăштарчĕ.
Чăвашла верси
Русская версия
