Ырă кăмăллăх ĕçне аталантарас тĕллевпе патшалăх шайĕнче грантсем парса пулăшаççĕ. Ахаль çынсен хушшинче иртекен Пĕтĕм Раççейри çамрăксен проекчĕсен конкурсĕнче Чăваш Енрен тăратнă 17 проекта пурнăçламашкăн укçа уйăрчĕç.
Сирĕн пата эпĕ те чун ыратнипе çыратăп. Хаçат маншăн пĕртен-пĕр йăпану пулса тăчĕ. Килти йывăрлăхсем çинчен манма пулăшать вăл. Пурте телефон, компьютер умĕнче ларнă чухне эпĕ алла хаçат тытатăп.
Йĕпреç районĕнчи Пучинкери 27 çулти Алина çак кунсенче тăватă пĕчĕк ачине килте пĕчченех пăрахса хăварнă та темиçе кунлăха çухалнă. Упăшки çав вăхăтра Мускав тăрăхĕнче шапашра пулнă. Сисчĕвленсе ÿкнĕ кÿршисем полицие шăнкăравласа пĕлтернĕ.
Чăваш эстрада тÿпинче çунатне сарса вĕçекен Олег КĂЙКĂР сцена çинчен çухалнине куракан асăрхарĕ ĕнтĕ. Ан пăшăрханăр: вăл чĕрĕ-сывах, тар юхтарса ĕçлет, çĕнĕ юрăсем хайлать. Олег та, чылай чăваш пекех, хăйĕн телейне Мускавра шыраса пăхма шухăш тытнă. Çак кунсенче юрăç Шупашкара килнипе усă курса ăна хамăн тĕпеле йыхравларăм.
Кинофильмсем пăхма юрататăп. Кăçал Шупашкарти Пĕтĕм тĕнчери кинофестивальте кăтартакан картинăсемпе те май пур таран паллашма тăрăшрăм.
Пĕр эрне каялла ывăлне Игоре пытарнă ашшĕ-амăшне пырса чăрмантарма аван марччĕ пулин те Шупашкар районĕнчи Сархурăнти Поручиковсем патне çитсе килтĕмĕр. Игорь Валерьевич пирĕн ĕçтешчĕ, чылай çул пичетпе телекуравра вăй хучĕ. «Хыпар» Издательство çурчĕн «Ар» хаçачĕн редакторĕ пулнă. Юлашки вăхăтра ЧР Ĕçлев министерствин пĕрлештернĕ профсоюз организацийĕн председателĕнче ĕçлерĕ.
Чăвашла верси
Русская версия
