Archive - Çамрăксен хаçачĕ

Мускаври академие кĕме чăвашла юрланă

Янтă çурта мĕншĕн куçмаççĕ?

«Йывăр чухне туссем сутасран хăратăп»

Нумаях пулмасть Мускаври Коломенское паркра якутсен «Ысыах» наци уявĕнче илем конкурсĕ иртнĕ. Тĕрлĕ халăх чиперкки хăйĕн нацин чысне хÿтĕленĕ. Кам çĕнтернĕ тетĕр-и? Якутсен уявĕнче якут пики çĕнтермесĕр мĕнле?

Урамра сивĕччĕ. Пит-куçне çуман, таса мар çи-пуçлă ачасем урамра вылятчĕç. Аллисем шăнса ĕнтĕркенĕ хăйсен. Сумкăран пĕр ывăç канфет кăларса тыттарсан йăпăр-япăр илсе çăвара хыпрĕç.

Чăваш Ен чылай тулай чăвашĕшĕн иккĕмĕш кил пулса тăчĕ. Тутарстан çĕрĕ çинче кун çути курнă Лариса ГАВРИЛОВА çамрăк юрăç та Чăваша килсе курма мĕн ачаран ĕмĕтленнĕ.

Коррупци — кашни утăмрах. Ăна пур чухне те уйăраймастпăр та. Вăл сывлăх сыхлавне, вĕрентÿ тытăмне, йĕрке хуралĕн органне…. таçта та сăрхăнса кĕчĕ. Пепке çуралсан тухтăрсем патне парне йăтнинчен пуçланать те пурнăç тăршшĕпех унта тымар ярса çирĕпленет.
Пĕлĕшĕшĕн — шалу

Пурнăçра мĕн кăна пулса иртмест-ши? Çĕр çинче мĕнле кăна çын утмасть-ши? Çакна «Юратупа наркăмăш» рубрикăра кун çути куракан çырусене вуласан ăнланатăп. Пĕр тĕлĕнетĕп, пĕр савăнатăп, пĕр хурланатăп. Хам та алла ручка тытас терĕм.

Республика уява хатĕрленет

Архипов утă типĕтет, Заволжский Сочире канать

Бразилири карнавала хутшăнмасть

Хăнасем -33 регионтан
Çĕртме уйăхĕн 24-мĕшĕнче — Республика кунĕ. Ăна уявлассипе çыхăннă мероприятисене йĕркеленĕ май ЧР Пуçлăхĕ «Праçник — влаçшăн мар, халăх валли» принципа шута илме ыйтнă. Тунтикун иртнĕ канашлура çывхаракан уяв программине тишкернĕ.

Хĕвекле çимĕç пĕçерет, Хĕлимун çисе пĕтерет. Çак тупмалли юмахăн хуравне пĕлетĕр-и? Çулла! Çулталăкри чи ăшă вăхăт. Çулла урамра тин хуçаланма тытăнчĕ-ха. Çынсем тăр-тăр чĕтренипе хĕллехи çÿлти тума тăхăнманни кăна.

Чĕлхе Киева илсе çитерет теççĕ. Шупашкарти Анна Вожевскаяна вара чĕлхе мар, ташă Бразилие çитме пулăшнă. Ĕненетĕр-и?
Чăн пурнăçра та сериалти пек