Archive - 2016 - Çамрăксен хаçачĕ

1 Раштав, 2016

Унăн пуканисем чĕрĕ пекех

Хăш-пĕр çын ăшă кăмăлĕпе, хавхаланăвĕпе, ĕçченлĕхĕпе палăрса тăрать. Вĕсен ăсталăхĕнчен, çаврăнăçулăхĕнчен тĕлĕнсе пĕтереймĕн. Лайăх тĕслĕх ыттисенче те ырă вăрлăх шăтарасса шанас килет.

Хĕрлĕ Чутай районĕнчи Турханта çуралса ӳснĕ Лилия Жуковăна шăпах çавăн пеккисен йышне кĕртес килет. Тралькассинчи культура çуртĕнче методистра вăй хураканскер таврарисене ырă тĕслĕх кăтартать. Культура ĕçĕсĕр пуçне Тралькасси ял тăрăхĕнчи общество ĕçне хастар хутшăнать.

Малалла вулас...

1 Раштав, 2016

«Çын йывăрлăха ахальтен мар тӳсет»

Оксана Михайлова куçăм тапхăрĕнче пурнăçĕ пирки чылай шухăшланă. Мĕншĕн ăна кӳмепе çӳреме пӳрнĕ? Ку ăнсăртран пулнă е Турă çапла çырнă? Пурăна киле хĕр ыйтусен хуравне пĕлнĕ. «Пурнăçра нимĕн те ахаль пулмасть. Çын епле çуралнă — çырлахма тивет», — шухăшланă пике. Малалла вулас...

1 Раштав, 2016

Кил умĕнче - юмах тĕнчи

Ача йышĕнчен унчченех тухнă-ха, анчах вĕсен килĕ умĕнчен пăрăнса утаймарăмăр. Иккĕленместĕп: вăл кирек кама та асамлă вăхăта — ачалăха — тавăрĕ. Сăмахăм — Çĕрпӳ районĕнчи Вăрманкас Кĕçтемĕр ялĕнчи Шурновсен карти пирки. Унта тĕрлĕ мультфильмри, юмахри сăнарсем вырăн тупнă. Чĕрĕ евĕр курăнаканскерсене пăкăран тунă. Малалла вулас...

ноябрь 24th

24 Чÿк, 2016

«Çамрăксен хаçачĕ» 46 (6139) №. 24.11.2016

Пусмăртан хăтăлнă хĕрарăм пурнăçне улăштарма шикленет Раççейре кашни сехетре пĕр хĕрарăм упăшки е пĕрле пурăнакан арçын хĕненĕрен вилет.

Çĕре пусă çаврăнăшне кĕртмелле Вунă чăваш каччине Раççей Федерацийĕн хурал службин Мускав Кремлĕн Комендатурин Президент полкне ăсатнă.

«Ĕмĕрĕпех вĕренме çуралнă эпĕ» Юрий Артемьев — критик, литературовед, Литературăпа искусство енĕпе ЧР патшалăх премийĕн лауреачĕ.

Тăлăхсен нушине никамран лайăх ăнланать Шупашкарта пурăнакан Христодуловсен çемйи «Юратупа шанчăклăхшăн» медале тата тав çырăвĕсене ахальтен тивĕçмен.

Лекеров авланасшăн, Григорьев тинĕс хĕрринче хĕртĕннĕ Çăлтăрсен Инстаграмри страницисене малалла шĕкĕлчер-ха.

«Çамрăксен хаçачĕн» йĕкĕчĕ Çак Çĕр чăмăрĕ çинче Дима Сорокин ятлă каччă пурăнать.

Тăхăнмалли те пулман Хĕрлĕ Чутай районĕнчи Тралькассинче пурăнакан Мария Ижендеева тăхăр теçетке çула çывхарать.

24 Чÿк, 2016

Пусмăртан хăтăлнă хĕрарăм пурнăçне улăштарма шикленет

Раççейре кашни сехетре пĕр хĕрарăм упăшки е пĕрле пурăнакан арçын хĕненĕрен вилет. Çакă чăн пулнине ĕненес те килмест — питĕ хăрушă-çке ку! Анчах статистика суйма памасть — çĕршывра çулсеренех 10 пин ытла хĕрарăм çапла пурнăçпа сывпуллашать. Арçын алă çĕклемесен те хĕрарăма урăхла майпа пусмăрлать: вăл укçа-тенкĕ ытларах ĕçлесе илет-çке — апла вăл хуçа. Е арăма хурлать, е киревсĕр сăмахпа чуна илет. Мăшăрне ирĕксĕрлесе ар хутшăнăвне кĕртекен арçын та пайтах. Килти пусмăрçăран Раççейри кашни тăваттăмĕш çемьери хĕрарăм шар курать.

24 Чÿк, 2016

Çĕре пусă çаврăнăшне кĕртмелле

Президент полкне ăсатнă

Чÿк уйăхĕн 17-мĕшĕнче ЧР Çар комиссариачĕн Канаш хулинчи сбор пунктĕнче вунă чăваш каччине Раççей Федерацийĕн хурал службин Мускав Кремлĕн Комендатурин Президент полкне ăсатнă. 2006 çултанпа республикăри 145 çамрăк ку полкра службăра тăнă.

24 Чÿк, 2016

«Ĕмĕрĕпех вĕренме çуралнă эпĕ»

«Çут çанталăк ачи эпĕ. Унăн ытамĕнче пурăннă чухне чун хĕлĕхĕсене ĕнернĕ. Йывăç-курăкран, чĕрчунсенчен, хурт-кăпшанкăран, кайăк-кĕшĕкрен калаçма вĕреннĕ пуль эпĕ. Кашни кун уяв пек туйăнатчĕ.

24 Чÿк, 2016

Тăлăхсен нушине никамран лайăх ăнланать

Шупашкарта пурăнакан Христодуловсен çемйи «Юратупа шанчăклăхшăн» медале тата тав çырăвĕсене ахальтен тивĕçмен. Лидия Викторовнăпа Вячеслав Иванович хăйсен тăватă тĕпренчĕкне çитĕнтернипе çеç çырлахман — тепĕр 8 ачана юратăвĕпе ăшăлăхне парнеленĕ. Тăваттăшне — усрава, тепĕр тăваттăшне опекăна илнĕ. 8 ачашăн ашшĕпе амăшĕ пулса тăнăскерсем хăйсен хӳттине илнĕ шăпăрлансене тăван тĕпренчĕкĕсенчен уйăрмаççĕ: пурне те пĕр пек юратаççĕ, кашниншĕн чунне пама хатĕр. Лидия Викторовнăпа Вячеслав Иванович шухăшĕпе, ачасене çитĕнтернĕ чухне чи кирли — юрату. Шăпăрлана мĕн чухлĕ ытларах юрату парнелетĕн — вăл хăйне çавăн чухлĕ çирĕпрех туять.

24 Чÿк, 2016

Лекеров авланасшăн, Григорьев тинĕс хĕрринче хĕртĕннĕ

Концертсем, гастрольсем… Юрăçсен пĕр вырăнта ларма вăхăт çук. Çĕнĕ çул умĕн, уйрăмах Шупашкарти культура керменĕсенче, концерт хыççăн концерт йĕркелесе халăха савăнтараççĕ вĕсем. Çăлтăрсен Инстаграмри страницисене малалла шĕкĕлчер-ха. Вĕсен пурнăçĕнче мĕн интересли пулса иртнĕ? Малалла вулас...

24 Чÿк, 2016

«Çамрăксен хаçачĕн» йĕкĕчĕ

Çак Çĕр чăмăрĕ çинче Дима Сорокин ятлă каччă пурăнать. Вăл ăçтан тетĕр-и? Вăрмар поселокĕнчен. Гороскоппа — Шывтăкан. Дима футболла выляма, юлташĕсемпе час-часах çулçӳреве тухма кăмăллать. «Икĕ алла — пĕр ĕç» каларăш ун пиркиех. Республикăри чи лайăх вĕренӳ учрежденийĕсен­чен пĕринче — Шупашкарти элек­тромеханика колледжĕнче — вĕреннĕрен пуласлăхĕ пысăк пуласса шанать.

Pages