Archive - Ака 2017 - Хыпар

И.Н.Ульянов ячĕллĕ Чăваш патшалăх университетĕнче вĕренекен Эльмира Алеевăна модельпе танлаштарас килет. Илем конкурсĕсене хутшăнса малти вырăнсене йышăнас вырăнне тутар чиперкки спорт арени çине тухса хăйĕн вăйне тĕрĕслет.

Шăмăршă салинче пурăнакан Владимир Шуряковăн çуртне иртен-каян хăвăртах шыраса тупаять: пÿрт çине «Кунта Шăмăршă районĕн Хисеплĕ гражданинĕ пурăнать» тесе çырса хунă. Пур-пĕрех 72-ри спорт ветеранĕ мана кĕтсе илме çул хĕрринех тухнă.

Республикăра вăрăм ĕмĕрлисен йышĕ юлашки виçĕ-тăватă çулта самай хушăнчĕ. Халĕ Чăваш Енре 100 çултан каçнисем — 100 çынна яхăн. 85 çултан аслăраххисем — 17,3 пин çын. Ырă пулăма вырăнта медицина пулăшăвĕпе тивĕçтерекен пунктсем витĕм кÿреççĕ-и? Çынсем сывлăха упрама хăнăхса пыни сисĕнет-и? Муркаш районĕнчи Калайкасси ялĕнчи ФАПа çитсе курнă май çак ыйтусен хуравне шырарăмăр.

Шăпăрлан ирхине пырса ыталаманнин сăлтавне çийĕнчех уçăмлатмалла

Татьяна Захарова воспитатель шухăшĕпе, ачасем улшăнмаççĕ, çирĕм çул каялла мĕнле пулнă — вĕсем халĕ те çаплах: ырă кăмăллă, таса чунлă... Эсĕ хăвна мĕнле тытатăн — вĕсем те сана çавăн пекех хаклаççĕ.

«Ватлăхран тармалла»

«Мерчен» управçи

Скандинави уттине килĕштереççĕ

Пуçлăхсен... Пуçлăхран тĕслĕх илмелле

Алă çыпăçулăхĕпе, шухăш хăвачĕпе...

Мăшăрланни студента вĕренме чăрмантарать-и?

Тĕнче уçлăхĕн алăкне чăваш та уçнă

Мăнкун умĕн

«Ĕçленĕ чухне ачалăха таврăнатăп»

Çак кĕпере тăшман та шыранă

— Ватлăх та, вилĕм те пиртен ниçта та каймаççĕ. Вĕсенчен кăштах тарас пулать. Ăçта та пулин çÿресен, çынпа хутшăнсан хавасрах. Ура утнă чухне — утмалла, — тет Шупашкарта пурăнакан Мария Герасимова.

Хĕрарăм 1941 çулхи çĕртме уйăхĕнче Канаш районĕнчи Малти Ăнтавăшра çуралнă. Вăтам шкула Ăвăспÿрт Кипече çÿренĕ. Вĕренес килни 8 çухрăма çуран парăнтарма хавхалантарнă.

Чăваш наци библиотекинче час-часах тĕрлĕ мероприяти иртет. Вĕсене кĕнеке е хаçат-журнал вулаканĕсем кăна мар, ĕçпе вăрçă сумлă ветеранĕсем, ăсчахсемпе педагогсем, çыравçăсем, артистсемпе ÿнерçĕсем, тĕрлĕ шайри депутатсем, министерствăсемпе ведомствăсен ĕçченĕсем хаваспах çÿреççĕ. Тивĕçлĕ канăва тухнăранпа эпĕ те Ленин проспектĕнче вырнаçнă вулавăшра кашни эрнере тенĕ пекех пулма тăрăшатăп. Чăваш наци конгресĕн культура комитечĕн председателĕ Вера Архипова ертсе пыракан «Мерчен» музыка тĕпелĕнче иртекен тематика каçĕсем, тĕрлĕ кĕнеке тата ытти хайлавсен презентацийĕсемпе куравсем, республикăри паллă çынсемпе ирттернĕ тĕлпулусем, чуна тыткăнлакан концертсемпе уяв каçĕсем пушшех килĕшеççĕ.

Сывлăхран хакли çуккине питех те аван пĕлеççĕ-туяççĕ Красноармейскинчи К. Маркс тата В.Чапаев ячĕллĕ урамсенче пурăнакан хĕрарăмсем. Спортăн чăн-чăн тусĕсем чылайранпа скандинави уттине килĕштереççĕ. Хам ку тăрăхра пурăннăран вĕсене тахçантанпах сăнатăп. Пушă вăхăт тупăнсанах кирек епле çанталăкра аллине йĕлтĕр туйи тытаççĕ те сывлăх сехетне тухаççĕ хайхискерсем.

Вулакан каçартăр та, паян сăмахăма пуçлăхсем пирки хускатас килет. /Пирĕн, ахаль çынсен, çав кăна юлать ĕнтĕ.../ Чи малтанах, çынна, паллах шалу калаçтарать — ытла та уйрăлса тăрать вăл пĕрремĕшпе иккĕмĕшсен. Пурнăçĕ вара хаклансах пырать... Калаçмасăр епле чăтăн?

Çĕрпÿ районĕнчи Чичейкасси Туçара Николай Димитриев платнике ылтăн аллишĕн хисепленĕ ял-йыш. Ун пек ăста таврара та пулман теççĕ. Халĕ унăн ывăлĕ Геннадий Николаевич çынсене хăйĕн алă çыпăçулăхĕпе, шухăш хăвачĕпе тĕлĕнтерет. Вĕсен килĕнче йăлтах çĕнĕлле, ыттисенчен урăхла. Эпир пынă чухне юлташĕ валли эрешлĕ хапха, карта тума пуçланăччĕ вăхăтпа тĕллевлĕ усă курма хăнăхнă кил хуçи. Акă ашшĕнчен юлнă уйран çÿпçине касса шăнкăрч йăвисем ăсталанă вăл.

Пÿртрех мунчаран тухсан, сăмахран, бассейна сикме пулать. Иккĕмĕш хутри балконран ял курăнать. Надежда Леонидовна ыйтнипе кухньăна пĕр картлашка çÿлерех хăпартнă. «Малтан такăнасран шикленнĕччĕ. Халĕ пурте хăнăхрăмăр ĕнтĕ», — ăнлантарать çемье пуçĕ.