Ырă тăвакансен çулталăкĕнче эпир те, «Çеçпĕл» пултарулăх ушкăнне çÿрекенсем, сăваплă ĕç пурнăçланипе палăртăмăр. Хамăр тăрăшнипе, ял-йыш пулăшнипе вунă çул тарăн «ыйхăра çывăракан» клуба «вăратрăмăр».
— Ватлăх та, вилĕм те пиртен ниçта та каймаççĕ. Вĕсенчен кăштах тарас пулать. Ăçта та пулин çÿресен, çынпа хутшăнсан хавасрах. Ура утнă чухне — утмалла, — тет Шупашкарта пурăнакан Мария Герасимова.
Хĕрарăм 1941 çулхи çĕртме уйăхĕнче Канаш районĕнчи Малти Ăнтавăшра çуралнă. Вăтам шкула Ăвăспÿрт Кипече çÿренĕ. Вĕренес килни 8 çухрăма çуран парăнтарма хавхалантарнă.
Йышĕпе ултă пин çынна çывхаракан Шăнкăртам ялĕ районпа республикăра çеç мар, Раççейре те пысăк ялсенчен пĕри шутланать. Паян унталла та кунталла сарăлсах пыракан вăтăр сакăр урамра икĕ пине яхăн çемье тымар янă. Ял хушшипе выртакан çулĕ те самаях вăрăм: 39 çухрăма тăсăлать! Вырăнтах икшер пысăк вăтам шкулпа ясли-сад, культура çурчĕ, çыхăну уйрăмĕ, фельдшер, ветеринари пункчĕсем, лавккасем... Пĕринчен тепри хăтлă капмар çуртсем мĕне тăраççĕ! Урăхла каласан, çак яла пырса кĕрсенех халăх халсăр марри, ытлă-çитлĕ пурăнни сисĕнет.
«Ман пата çынсем ĕçпе кăна мар, кăмăла уçма та шăнкăравлаççĕ. «Паян канмалли кун пултăр-ха», - тесе телефона сÿнтерсе те пăхатăп. Анчах... чăтаймастăп - 1-2 сехетренех ярса тытатăп ăна. Экран çутăлсанах темиçе СМС килсе çитет.
Чăвашла верси
Русская версия
